Nacyjanalnaja biblijateka, sierada (9 śniežnia). 17:00
9 śniežnia a 17‑j hadzinie ŭ halerei «Łabirynt» Nacyjanalnaj biblijateki Biełarusi (prasp. Niezaležnaści, 116, 3‑ci pavierch) adbudziecca prezientacyja elektronnaha vydańnia «Knižny zbor rodu Chraptovičaŭ».
Nacyjanalnaja biblijateka Biełarusi ažyćciaŭlaje šerah prajektaŭ, nakiravanych na zachoŭvańnie dakumientalnych pomnikaŭ Biełarusi nie tolki na terytoryi dziaržavy, ale i za jaje miežami. Adnym ź ich źjaŭlajecca adnaŭleńnie ŭ ličbavym vyhladzie knižnaj radavoj kalekcyi Chraptovičaŭ, jakaja zachoŭvajecca va Ukrainie.
Prajekt virtualnaj rekanstrukcyi zboru Chraptovičaŭ ździejśniŭsia dziakujučy supracoŭnictvu Nacyjanalnaj biblijateki Biełarusi i Nacyjanalnaj biblijateki Ukrainy imia U. I. Viarnadskaha pry padtrymcy JUNIESKA.
Elektronnaje vydańnie «Knižny zbor rodu Chraptovičaŭ» pryśviečana radavoj biblijatecy hrafaŭ Iaachima Litavora i Adama Chraptovičaŭ, słavutych vajennych i dziaržaŭnych dziejačaŭ Vialikaha kniastva Litoŭskaha i Rečy Paspalitaj. Kalekcyja źbirałasia na praciahu ChVIII—XIX st. i naličvaje zaraz bolš za 2000 ekzemplaraŭ knih.
Historyja rodu pradstaŭlena ŭ artykule Dz. U. Karava «Chraptovičy: rod i jaho pradstaŭniki ŭ jeŭrapiejskim historyka‑kulturnym kantekście», materyjał pra biblijateku padajecca ŭ pracy T. Ja. Miaskovaj «Radavy zbor hrafaŭ Iaachima Litavora i Adama Chraptovičaŭ». Elektronnaje vydańnie taksama źmiaščaje śpis litaratury, pryśviečanaj historyi rodu i jaho knižnaj kalekcyi.
U pabudavany pa chranałahičnym pryncypie katałoh uvajšli biblijahrafičnyja apisańni i kopii tytulnych listoŭ inkunabuł (XV st.), paleatypaŭ (pieršaja pałova XVI st.), vydańniaŭ druhoj pałovy XVI — XVII st. i drukarań Vialikaha kniastva Litoŭskaha.
Sabranyja materyjały pradstaŭlajuć historyju i skład adnaho z bujniejšych knižnych zboraŭ Biełarusi, sadziejničajuć vyvučeńniu dakumientalnaj spadčyny krainy, źjaŭlajucca svojeasablivym virtualnym viartańniem kalekcyi na radzimu.
Teł. dla daviedak: 293‑27‑81, 293‑27‑67
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary