Biełaruś zakupić za miažoj kala 1 miljona ton zbožža. Sioleta ŭradžaj budzie horšy za papiaredni
Hod tamu sabrali 8,7 młn ton.
Ministr sielskaj haspadarki i charčavańnia Siarhiej Bartaš sprahnazavaŭ u 2023 hodzie ŭradžaj zbožžavych horšy za letašni. Tamu ŭ płanach uładaŭ zakupić za miažoj kala 1 młn ton zbožža.
«Karavaj budzie ściplejšy bolš čym na miljon ton, ale stvaryć padušku biaśpieki ŭsio ž taki nieabchodna, tamu my płanujem kala miljona ton, i Łukašenka heta daručyŭ, zakupić zvonku», — skazaŭ ministr u efiry telekanała ANT, jak paviedamlaje TASS.
Pavodle jaho słoŭ, jość vobłaści i rajony, jakija atrymali dobry vynik: jany nie tolki zachavali ŭradžajnaść na ŭzroŭni 2022 hoda, niahledziačy na ŭmovy nadvorja, ale i zmahli pavialičyć jaje. «Heta śviedčyć ab tym, što technałohii treba ŭsio ž taki adpracoŭvać i ŭdaskanalvać, i tady my nie budziem zaležać ad umoŭ nadvorja. Zona ryzykoŭnaha ziemlarobstva pavoli budzie adychodzić», — skazaŭ Bartaš.
Pavodle źviestak Biełstata, u 2022 hodzie ŭ haspadarkach usich katehoryj było namałočana 8,7 młn ton zbožža pry siaredniaj uradžajnaści 34,5 centniera z hiektara.
Ciapier čytajuć
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja5
Pamiatajecie Piatrušu, jaki vydziraŭ draty «dydžejam Pieramien»? Jaho pieraviali ŭ treciuju lihu čynoŭnikaŭ paśla miesiacaŭ biespracoŭja
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek44
Kamientary