Załužny zajaviŭ amierykancam, što USU na parozie praryvu — The Wall Street Journal
Hałoŭnakamandujučy Uzbrojenymi siłami Ukrainy Valeryj Załužny zajaviŭ amierykanskim aficyjnym asobam, što ŭkrainskija vajskoŭcy znachodziacca na parozie praryvu padčas kontrnastupleńnia, piša «Ukrainskaja praŭda» na padstavie paviedamleńnia The Wall Street Journal.
Časopis The Wall Street Journal paviedamlaje:
«Na dumku amierykanskich čynoŭnikaŭ, dla Ukrainy jašče nie pozna dasiahnuć pośpiechu. Ukrainskija kamandziry taksama kažuć, što čas dla ich kontrnastupleńnia jašče nie vyčarpany, a Załužny zajaviŭ amierykanskim aficyjnym asobam, što jaho siły znachodziacca na parozie praryvu».
Paviedamlajecca, što amierykanskija i ŭkrainskija čynoŭniki ŭžo niekalki tydniaŭ viaduć intensiŭnyja kułuarnyja debaty adnosna stratehii i taktyki ažyŭleńnia pavolnaha kontrnastupleńnia Kijeva.
Amierykanskija vajskoŭcy zaklikajuć ukraincaŭ skancentravać svaje siły, kab pasprabavać prarvać rasijskuju abaronu i prasunucca da Azoŭskaha mora. Za apošnija tydni Kijeŭ unios niekatoryja karektyvy, ale abodva baki ŭsio jašče razychodziacca ŭ mierkavańniach adnosna taho, jak pierałamać situacyju z rasijanami za toj abmiežavany čas, jaki ŭ ich jość da nastupleńnia zimy.
Amierykanskaja parada hruntujecca na raźliku, što toj kolkaści ŭzbrajeńnia, jakuju ZŠA dali Ukrainie bolš čym na 43 młrd dalaraŭ, dastatkova dla nastupu, i naŭrad ci takija pastaŭki paŭtoracca na takim ža ŭzroŭni ŭ nastupnym hodzie.
«My stvaryli hetuju stalovuju haru dla kontrnastupleńnia. My nie možam zrabić heta znoŭ. Takoj mahčymaści nie isnuje», — skazaŭ adzin były amierykanski čynoŭnik.
U svaju čarhu, Załužny padkreśliŭ, što hetaja vajna «nie baraćba z paŭstancami». «Heta Kurskaja bitva», — rastłumačyŭ jon na prykładzie adnoj z najbujniejšych bitvaŭ Druhoj suśvietnaj vajny.
Paśla taho jak amierykanskija aficyjnyja asoby pieraścierahli ad raspyleńnia namahańniaŭ, ukraincy adkarektavali svaju stratehiju i pierajšli da abarony va ŭschodniaj častcy Zaparožskaj vobłaści. Hetyja źmieny dazvolili ŭkraincam zachavać svaje siły dla asnoŭnaha nastupu ŭ inšym miescy i abmiežavać vykarystańnie artyleryi.
Adnak amierykanskija aficyjnyja asoby kažuć, što ŭkraincy ŭsio jašče zanadta raśsiejanyja dla kancentravanaha nastupu na poŭdzień sa šmatlikimi bryhadami, razhornutymi na ŭschodzie, i ŭsio jašče nie spałučajuć vykarystańnie artyleryi, miechanizavanych padraździaleńniaŭ i namahańniaŭ pa raźminiravańni.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary