Ukrainskim dronam paškodžany rasijski samalot na aeradromie ŭ Kałužskaj vobłaści — HUR
Na aeradromie «Šajkoŭka» ŭ Kałužskaj vobłaści Rasii ŭ vyniku ataki drona byŭ paškodžany prynamsi adzin samalot. Hetaja zadača była vykanana ŭ kaardynacyi z Hałoŭnym upraŭleńniem raźviedki Ministerstva abarony Ukrainy, paviedamiŭ pradstaŭnik HUR Andrej Jusaŭ.
«Jak minimum adzin samalot paškodžany. Jak i ŭ bolšaści vypadkaŭ, rasijski režym sprabuje schavać sapraŭdnyja abjomy strat i paškodžańniaŭ… Jość ludzi, jakija ŭ kaardynacyi z HUR vykanali pastaŭlenyja zadačy. Pryjšli z Centralnaj Rasii, adpracavali i paśpiachova viarnulisia adpaviedna nazad. Jak i ŭ mnohich inšych vypadkach, HUR praciahvaje vykonvać zadačy, ułasna, u tym liku i na terytoryi dziaržavy-ahresara», — cytuje Andreja Jusava «Ukrainskaja praŭda».
Učora ŭviečary rasijskija telehram-kanały paviedamili, što ranicaj nibyta adbyłasia sproba ataki dronam USU aeradroma ŭ Kałužskaj vobłaści ranicaj. Jak jany śćviardžali, paškodžańni ŭ vyniku ataki atrymaŭ samalot, jaki nie vykarystoŭvajecca. U svaju čarhu, hubiernatar hetaha rasijskaha rehijona śćviardžaŭ, što na terytoryi Kiraŭskaha rajona była adbitaja ataka BPŁA i što paciarpiełych dy inšych razbureńniaŭ infrastruktury nibyta niama.
Pavodle danych z adkrytych krynic, aeradrom «Šajkoŭka» vykarystoŭvajecca, u pryvatnaści, dla bazavańnia samalotaŭ dalokaj avijacyi «Tu». Pres-sakratar Pavietranych sił USU Juryj Ihnat paviedamlaŭ, što mienavita z «Šajkoŭki» 15 žniŭnia rasiejcy vypuścili čatyry kryłatyja rakiety Ch-22 pa Ukrainie.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary