Ukrainie ŭdałosia ŭpieršyniu źniščyć rasijski stratehičny jadzierny bambavik
U Rasii bolš niama inžynierna-budaŭničaj bazy dla vytvorčaści takich zvyškaštoŭnych samalotaŭ.
U siecivie, imavierna, źjaviłasia fota vajskovaha aeradroma «Solcy» Naŭharodskaj vobłaści paśla ŭdaru bieśpiłotnika. U subotu byŭ paškodžany minimum adzin samalot, paviedamiła Minabarony RF. Na fota vidać całkam zhareły Tu-22M3.
Jak piša vydańnie The Moscow Times, za košt dyviersij i napadaŭ było źniščana i paškodžana bolš za dziasiatak rasijskich samalotaŭ i viertalotaŭ na avijabazach u Biełarusi, akupavanym Krymie, Razani, Enhielsie, Novasibirskaj i Pskoŭskaj abłaściach, ale heta pieršy zafiksavany vypadak źniščeńnia Ukrainaj padobnaha stratehičnaha bambavika Tu-22M3. U Rasii bolš niama inžynierna-budaŭničaj bazy dla vytvorčaści takich samalotaŭ, jakija nanosiać udary pa Ukrainie z dalokaj adlehłaści pa-za zonaj dasiahalnaści ZRK.
Pa słovach krynic The Moscow Times, raniej pytańnie dyviersij abmiarkoŭvałasia na naradach prezidenta RF Uładzimira Pucina ź siłavikami. Jany «klalisia», što padobnaha bolš nie adbudziecca, ale 100%-naj harantyi nichto dać nie zmoh.
Kamientary