Kiraŭnik Śledčaha kamiteta Rasii zaklikaŭ pravieryć dziciačuju knihu «Škodnyja parady». U joj pabačyli sumnieŭnyja ŭstanoŭki
U knizie pryvodziacca žartaŭlivyja parady, jak siabie pavodzić, ale ad advarotnaha.
Kiraŭnik Śledčaha kamiteta Rasii Alaksandr Bastrykin zaklikaŭ pravieryć viadomuju dziciačuju knihu «Škodnyja parady» Hryhoryja Ostera na ŭtrymańnie «sumnieŭnych ź piedahahičnaha punktu hledžańnia ŭstanovak».
Śledčy kamitet paviedamiŭ, što na pasiadžeńni abmiarkoŭvali dziciačuju litaraturu:
«U jakaści niehatyŭnaha prykładu pryviedzieny tvory H. Ostera, jakija ŭtrymlivajuć, na dumku ŭdzielnikaŭ, sumnieŭnyja ź piedahahičnaha punktu hledžańnia ŭstanoŭki. U suviazi z hetym Staršynia SK Rasii daručyŭ pravieści pravierku knih nazvanaha aŭtara».
U knizie pryvodziacca žartaŭlivyja parady, jak siabie pavodzić, ale ad advarotnaha.
«Nikohda nie mojtie ruki,
Šieju, uši i lico.
Eto hłupoje zaniaťje
Nie privodit ni k čiemu.
Vnov́ ispačkajutsia ruki,
Šieja, uši i lico,
Tak začiem žie tratiť siły,
Vriemia popustu tieriať».
U 2022 hodzie Oster vystupiŭ suprać vajny va Ukrainie i źjechaŭ u Łatviju.
Na pasiadžeńni SK taksama prapanavali sałdat, jakija vajavali suprać Ukrainy, pryciahvać da navučańnia i vychavańnia dziaciej. Dla hetaha chočuć uvieści kvoty dla vieteranaŭ «SVA» na atrymańnie piedahahičnaj adukacyi.
Kamientary