Bajalisia, što indyjcy ich apiaredziać. Ekśpiert abvinavaciŭ u krušeńni «Łuna-25» čynoŭnikaŭ i kaśmičnuju honku
Adkaznaść za niaŭdaču, jakaja napatkała rasijskuju kaśmičnuju misiju «Łuna-25», lažyć, chutčej za ŭsio, na čynoŭnikach «Raskosmasu», a nie na navukoŭcaŭ, ličyć papularyzatar kasmanaŭtyki Vital Jahoraŭ. Jak raspavioŭ ekśpiert u hutarcy z The Insider, strata stancyi, jakaja raźbiłasia napiaredadni pry sprobie sieści na pavierchniu Miesiaca, «simptamatyčnaja» i adlustroŭvaje ahulny stan rasijskaj kasmanaŭtyki.
Jahoraŭ miarkuje, što ŭ pracy «Łuna-25» niešta pajšło nie pa płanie, ale čynoŭniki «Raskosmasu» nie zachacieli mianiać hrafik palotu, pakolki bajalisia sastupić indyjcam, jakija adpravili da Miesiaca ŭłasnuju stancyju «Čandrajan-3». Pa słovach ekśpierta, heta nahadvaje situacyi, kali savieckija aparaty adpraŭlali ŭ kosmas «niedaroblenymi» ŭ sprobie apiaredzić supiernikaŭ.
«Łuna-25» mahła b vykanać navukovuju prahramu, uzbahacić čałaviectva novymi viedami ab navakolnym śviecie i adkryć novyja mahčymaści dla rasijskaj navuki i mižnarodnaha supracoŭnictva.
Ale ŭsie hetyja pierśpiektyvy byli razburanyja rasijskaj dziaržavaj, jakaja zrabiła staŭku nie na zasvajeńnie kosmasu, a na zasvajeńnie terytoryj susiednich suvierennych dziaržaŭ».
Na dumku Jahorava, niaŭdača, jakaja napatkała misiju, stavić pad pytańnie budučyniu prahram «Łuna-26» i «Łuna-27», jakija ciapier mohuć być adkładzienyja ci ŭvohule spynienyja.
«Łuna-25» — pieršaja miesiacovaja misija ŭ sučasnaj historyi Rasii. Zhodna z płanam, rasijskaja stancyja, zapuščanaja 11 žniŭnia, pavinna była stać pieršym aparatam, jaki ździejśniŭ miakkuju pasadku la paŭdniovaha polusa Miesiaca, u rajonie sa składanym reljefam. Usie papiarednija miesiacovyja misii sadzilisia ŭ zonie ekvatara. Adnoj z asnoŭnych zadač misii byŭ pošuk vady na spadarožniku Ziamli.
16 žniŭnia RIA «Novosti» paviedamlała, što «Łuna-25» abahnała indyjskuju stancyju «Čandrajan-3» i znachodzicca na 50 km bližej da Miesiaca.
19 žniŭnia «Raskosmas» zajaviŭ, što pry pierachodzie «Łuna-25» na pieradpasadačnuju arbitu adbyłasia «niaštatnaja situacyja».
Na nastupny dzień kaśmičnaje ahienctva pryznała, što suviaź z aparatam stračana, i što jon, vidać, raźbiŭsia, sutyknuŭšysia z pavierchniaj Miesiaca.
«Čandrajan-3» byŭ zapuščany ŭ siaredzinie lipienia. Modul ź miesiacachodam užo adździaliŭsia ad pieralotnaha modula, pasadka na Miesiac čakajecca 23 žniŭnia.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?3333
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?33
«Ad biazvychadnaści źjeździŭ u Biełaruś, dzie jamu zrabili apieracyju». Pabracim raskazaŭ, što viadoma pra aryštavanaha kalinoŭca Andreja Siarhiejeva1313
Kamientary