Valfovič zajaviŭ, što Rasija zmahajecca nie z ukrainskim narodam, a z nacyzmam, jaki ŭzdymaje hałavu
Takoje mierkavańnie ŭ razmovie z žurnalistami pierad pačatkam Mižnarodnaha «antyfašysckaha» kanhresa ŭ Minsku vykazaŭ dziaržaŭny sakratar Rady biaśpieki, piša BiełTA.
Alaksandr Valfovič zajaviŭ, što pry praviadzieńni śpiecapieracyi va Ukrainie (tak rasijskaja, a śledam za joj i biełaruskaja prapahanda nazyvajuć poŭnamaštabnaje ŭvarvańnie va Ukrainu) Rasija zmahajecca nie z ukrainskim narodam, a z fašyzmam i nieanacyzmam, jakija padniali hałavu.
«Treba razumieć, što akramia aryjskaj rasy nacysty nie pryznavali i nie pavažali nikoha», — skazaŭ jon.
Valfovič dadaŭ, što «palicai ź niekatorych susiednich dziaržaŭ u Vialikaj Ajčynnaj vajnie stajali ŭ adnym šerahu z nacysckimi zachopnikami, — skazaŭ jon, namiakajučy na ŭdzieł litoŭskich, łatvijskich i ŭkrainskich farmavańniaŭ.
«Siońnia sprabujuć z noh na hałavu pieraviarnuć historyju. Naščadki fašystaŭ znoŭ zahavaryli pra nieanacyzm. Čałaviectva stała zabyvać pra toje, chto vyzvaliŭ śviet ad strašnaj čumy», — ličyć jon.
Fašyzm — heta ideałahičny kirunak, jaki admaŭlaje demakratyju, ale absalutyzuje dziaržavu i mocnuju ŭładu. Dla fašyzmu charakternyja strohi kantrol dziaržavy nad hramadstvam i ekanomikaj, represii suprać praciŭnikaŭ ułady, kult siły i siłavych struktur, ultranacyjanalizm i viera ŭ naturalnaść isnaj sacyjalnaj ijerarchii, a taksama nieźmianialnaść kiraŭnika dziaržavy. Ukraina, jak i dziaržavy Jeŭrasajuza, — demakratyčnyja dziaržavy, dzie isnuje źmianialnaść ułady i palityčny pluralizm.
Ciapier čytajuć
Vyjšaŭ na svabodu były top-žurnalist ANT Dźmitryj Siemčanka8
Kamientary