Hetym razam dla parytetu budzie taksama praviedzieny konkurs «Matulin karavaj».
Padrychtoŭku festu, jaki projdzie ŭ Śvisłačy, viadzie arhkamitet pry Hrodzienskim abłasnym upraŭleńni kultury, a prahrama raspracavana Śvisłackim centram kultury i narodnaj tvorčaści, piša «Źviazda».
— Śviata stanovicca vielmi papularnym, bo jaho tema blizkaja kožnamu, — zaznačaje namieśnik dyrektara rajonnaha centra kultury Śviatłana Dzianisava. — Važnaść hetaha praduktu vidavočnaja, a vosiem nazvaŭ chlebabułačnych vyrabaŭ uvajšli ŭ skład niemateryjalnaj kulturnaj spadčyny Biełarusi. Usie jany buduć pradstaŭleny na karavaj-feście ŭ Śvisłačy. Taksama padrychtavana niamała piakarskich konkursaŭ jak dla amataraŭ, tak i dla prafiesijanałaŭ hetaj spravy.
Na vystaŭcy-konkursie «Baćkaŭščyna», naprykład, prafiesijnyja piekary pradstaviać u vypiečcy histaryčnyja abjekty Biełarusi. Letaś tut znajšli adlustravańnie i Biełaviežskaja pušča, i hrodzienskija zamki, i staražytnyja siadziby.
Adnym z samych cikavych abiacaje stać konkurs «Matulin karavaj». Uziać udzieł u im zmohuć usie achvotnyja, u tym liku piekary-amatary i chatnija haspadyni. Na śviata padadziena 23 zajaŭki. Svajo majsterstva ŭ kulinarnym spabornictvie možna budzie prademanstravać u dźviuch naminacyjach: «Tradycyjny karavaj» i «Sučasny karavaj».
Kožny ŭdzielnik pavinien pradstavić adzin vyrab vahoj nie mienšaj za kiłahram. Kali heta «Tradycyjny karavaj», to ŭ chatnich umovach pa tradycyjnym recepcie hatujecca piroh, karavaj ci bułka. Vitajecca najaŭnaść siamiejnaj historyi, jakaja źviazana z vyrabam.
Paviedamlajecca, što ideja festu ŭźnikła paśla naviedvańnia Łukašenkam u červieni 2021 hoda miascovaj piakarni. Jon vysoka acaniŭ smak śvisłackaha chleba, asabliva — zdobnaj placionki. I z taho času pajšła nazva «Baćkava bułka». Hod tamu ŭ Śvisłačy zładzili respublikanski fest. Sioleta śviata projdzie druhi raz.
Ciapier čytajuć
U vice-śpikierki Kaardynacyjnaj rady Lizaviety Prakopčyk sabrałasia $12 tysiač daŭhoŭ80
Kamientary