Biełaruskaja mytnia pavialičyć źmieny na miežach ź Litvoj i Łatvijaj
Rašeńnie pryniali ŭ suviazi z prypynieńniem Litvoj z 18 žniŭnia pracy dvuch pamiežnych punktaŭ propusku.
Biełaruskaja mytnia ŭ suviazi z rašeńniem Litvy ab prypynieńni z 18 žniŭnia pracy dvuch pamiežnych punktaŭ propusku ŭzmocnić źmieny na KPP na litoŭskaj i łatvijskaj miežach. Pra heta paviedamiła pres-słužba Dziaržaŭnaha mytnaha kamiteta Biełarusi.
«Z 00:00 18 žniŭnia nabyvaje moc čarhovaja niedružalubnaja miera litoŭskaha boku — zakryvajucca dla ruchu litoŭskija punkty propusku, sumiežnyja ź biełaruskimi «Łoša» i «Vidzy». <…> Prahnazujecca, što transpartnyja patoki z zakrytych punktaŭ propusku pieraaryjentujucca na biełaruska-litoŭskija «Kamienny Łoh» i «Katłoŭka», biełaruska-łatvijski «Urbany». Adpaviedna, nahruzka na hetyja punkty propusku ŭzraście. Biełaruskaj mytniaj, u svaju čarhu, buduć pryniaty ŭsie mahčymyja miery minimizacyi škodnych nastupstvaŭ ad pryniatych litoŭskich rašeńniaŭ, u tym liku pa stvareńni ŭmoŭ dla pierasiačeńnia miažy i ŭzmacnieńni mytnych źmien u hetych troch punktach propusku», — havorycca ŭ paviedamleńni.
Kamientary