Azaronak prapanuje pastavić biust kadebešniku Fiedasiuku, jaki zahinuŭ u pierastrełcy ź Zielceram, i nazvać u jaho honar vulicu
Prapahandysty dumajuć, jak ušanavać pamiać supracoŭnika KDB Dźmitryja Fiedasiuka.
9 žniŭnia była zasnavana premija Dźmitryja Fiedasiuka. Pra heta abvieścili na pasiedžańni štaba patryjatyčnych sił Biełarusi pry Łukašenku.
Staršynia «Biełaj Rusi» Aleh Ramanaŭ tłumačyć, što heta premija hramadzianskaj supolnaści. «Jaje łaŭreatami stanuć tyja, chto ŭnosić najbolšy ŭkład u zabieśpiačeńnie biaśpieki našaj krainy ŭ humanitarnaj i inšych śfierach».
Prapahandyst Ryhor Azaronak u efiry «Minsk-Navin» vykazaŭsia, što hetaha niedastatkova:
«Voś užo nieŭzabavie druhaja hadavina hetaj trahiedyi. Ciapier važna ni ŭ jakim razie nie dać heta zamusolić.
Pavinna być i vulica, i biust. Bo maci pavinna pryvieści dzicia na vulicu Fiedasiuka i skazać: heta małady chłopiec, baćka dziaciej, Hieroj Biełarusi, uznaharodžany ordenam za asabistuju mužnaść, jakoha zabiŭ zmahar. Kab heta adbiłasia va ŭsiaho naroda nazaŭsiody!»
«Adabjecca, kali zdymuć mastacki film», — ahučyła svajo bačańnie viadučaja Alona Radoŭskaja.
Pierastrełka ŭ kvatery ajcišnika Andreja Zielcera zdaryłasia 28 vieraśnia 2021 hoda. Kali siłaviki ŭvarvalisia da jaho, jon sustreŭ ich sa zbroŭja. Zielcer i Fiedasiuk zahinuli ŭ toj pierastrełcy. Toje, što adbyvałasia, zdymałasia na videa Zielceram i jaho žonkaj.
Žonku Zielcera Maryju Uśpienskuju paśla aryštavali. Jaje abvinavacili ŭ saŭdziele ŭ zabojstvie supracoŭnika KDB, ale vyzvalili ad kryminalnaj adkaznaści, bo jana znachodziłasia ŭ «stanie biesśviadomaści». Letaś joj pryznačyli prymusovaje lačeńnie ŭ psichijatryčnym stacyjanary.
Pa padlikach pravaabaroncaŭ, bolš za sotniu čałaviek paśla zatrymali za kamientary ŭ internecie pa hetaj spravie.
Za zamietku ŭ «Kamsamolskaj praŭdzie» z kamientarom adnakłaśnicy Zielcera, jakaja dobra adhukałasia pra jaho, zatrymali žurnalista Hienadzia Mažejku. Jamu dali try hady kałonii.
Sud razhledzić spravu «ab źmienie prymusovaha lačeńnia» ŭ dačynieńni da Maryi Uśpienskaj, udavy Andreja Zielcera
«Viasna»: Pa «spravie Zielcera» ŭ Biełarusi asudžanyja 114 čałaviek, 99 ź jakich — da pazbaŭleńnia voli
Što adbyvałasia ŭ SIZA z udavoj Andreja Zielcera? Raskazvaje sukamiernica. «Maša paŭtarała: jak jon moh mianie pakinuć?»
U Minsku raźvitalisia z zabitym supracoŭnikami KDB Andrejem Zielceram
Łukašenka raskryŭ detali śpiecapieracyi na Jakuboŭskaha, dzie zdaryłasia trahiedyja. Ale pytańniaŭ tolki stała bolš
Syn supracoŭnicy KDB, vučyŭsia ŭ 20-j škole. Što viadoma pra siłavika, jaki zahinuŭ u pierastrełcy na Jakuboŭskaha?
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary