Z 11 žniŭnia ŭsie mabilnyja apieratary pačnuć unosić źmieny va ŭmovy absłuhoŭvańnia klijentaŭ
Mabilnyja apieratary A1, MTS i Life:) abviaścili, što z 11 žniŭnia rychtujuć šerah źmianieńniaŭ dla svaich klijentaŭ, piša Tochka.by. Dzieści padvysicca košt taryfaŭ, dzieści — chutkaść internetu.
U A1 paviedamlajuć, što źmienicca chutkaść chatniaha internetu, jaki pracuje pa technałohii GPON (pa aptavałaknie). Dostup da sieciva ciapier budzie davacca na adnolkavych uvachodnaj i vychodnaj chutkaściach. Heta dazvolić pavialičyć vychodnuju chutkaść złučeńnia.
Taksama źmieny zakranuć taryfnyja płany fiksavanaj suviazi. Kampanija MTS paviedamiła, što z 12 žniŭnia pačnie realizacyju prahramy pa dobrasumlennym vykarystańni mabilnaha internet-trafiku. Što takoje «niadobrasumlennaje vykarystańnie» — u MTS nie tłumačać. Adnak paviedamlajuć, što da kanca miesiaca źmienicca chutkaść padłučeńnia da sieciva dla abanientaŭ, jakija pieravysili limit pa vydzielenym trafiku.
Life:) z 22 žniŭnia płanuje pavysić košt niekatorych taryfnych płanaŭ. Akramia taho, apieratar pierahledzić taryfy pa dadatkovym vykarystańni internet-trafiku i ceny ŭ roŭminhu.
Z usimi źmienami ŭ taryfach, chutkaściach internet-złučeńnia i praviłami «dobrasumlennaha vykarystańnia» trafiku možna aznajomicca na sajtach mabilnych apierataraŭ.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary