Stała viadoma pra jašče adzin niadaŭni suicyd biełaruskaha sałdata, hetym razam pamiežnika
Pra samahubstva vajskoŭca paviedamiła Hrodzienskaja pamiežnaja hrupa. Pavodle jaje, pablizu pamiežnaj zastavy «Tušamla» ŭ Śvisłackim rajonie znajšli cieła vajskoŭca «z prykmietami suicydu».
Pra hetu śmierć paviedamili jašče 4 žniŭnia.
Sałdat byŭ 2002 hoda naradžeńnia, jaho pryzvali na słužbu ŭ pamiežnaj hrupie ŭ krasaviku 2023 hoda. Detali zdareńnia nie ŭdakładniajucca.
Siońnia taksama stała viadoma pra suicyd sałdata terminovaj słužby ŭ vajskovaj čaści ŭ Piečach pad Barysavam.
U apošni hod suicydy ŭ biełaruskim vojsku pačaścilisia. U krasaviku stała viadoma pra sałdata, jaki zastreliŭsia ŭ Breście, a 20 sakavika ŭ pamiaškańni pamiežnaha kantrolu «Vysoka-Litoŭsk» u vioscy Abiaroŭščyna, jaki znachodzicca na miažy z Polščaj, vyjavili trup vajskoŭca-pamiežnika.
9 žniŭnia pra suicyd u Piečach terminovaj słužby paviedamiła «Zierkało»i «Fłahštok».
«Narmalnyja chłopcy, narmalnyja dzieci nie stralajucca». U čaści ŭ Piečach paćvierdzili suicyd sałdata
«Znajšli ŭ jaho ci to natatki, ci to vieršy. Ź im pačali vieści pracu». Na minułym tydni ŭ Piečach zastreliŭsia sałdat — Fłahštok
«U čaści maŭčać, ale ŭ vojsku tak być nie pavinna, što chłopcy stralajucca ŭ naradzie». U Breście zastreliŭsia sałdat terminovaj słužby — «Zierkało»
Ciapier čytajuć
Biełaruskija repietytary ŭ panicy: praz prablemy «Jandeksa» jany mohuć stracić materyjały, jakija napracoŭvali hadami14
Kamientary