Chunta Nihiera zajaviła, što Francyja niepasredna atakavała armiju krainy
Jak śćviardžajuć putčysty, Francyja taksama parušyła zakrytuju pavietranuju prastoru Nihiera. U krainie abjaŭleny stan pavyšanaj bajavoj hatoŭnaści.
Vajskovaja chunta Nihiera paviedamiła, što francuzskija siły atakavali pazicyi nacyjanalnaj hvardyi krainy. Razam z hetym, pa śćviardžeńniach putčystaŭ, z susiedniaha Čada ŭ zakrytuju pavietranuju prastoru Nihiera «ŭvarvaŭsia» francuzski vajskovy samalot z adklučanymi transpondarami.
Adpaviednyja zajavy putčystaŭ 9 žniŭnia pieradaŭ telekanał Al Arabia.
Pavodle infarmacyi chunty, ranicaj 9 žniŭnia Francyja atakavała pazicyi nihierskich nachvardziejcaŭ i siłavym sposabam vyzvaliła ź nihierskaj turmy 16 čałaviek, «źviazanych z ekstremisckimi hrupoŭkami». U toj ža čas u zakrytaj pavietranaj prastory Nihiera niekalki hadzin lotaŭ francuzski vajskovy samalot, jaki nie vychodziŭ na suviaź.
U suviazi z hetym putčysty abjavili stan pavyšanaj bajavoj hatoŭnaści pa ŭsioj terytoryi krainy i pačali stvarać atrady apałčeńnia ŭ dapamohu armii ŭ stalicy Nihiera, horadzie Niamej.
Taksama telekanał Al Arabia paviedamlaje, što pasolstva ZŠA ŭ Nihiery rekamiendavała svaim hramadzianam schavacca ŭ biaśpiečnych miescach i paźbiahać naviedvańnia centra horada Niamej.
Nahadajem, što ŭ kancy lipienia ŭ Nihiery adbyŭsia prarasijski vajskovy pieravarot, u vyniku jakoha lehitymny prezident krainy Machamied Bazum byŭ skinuty i izalavany. Z hetaha času novaja miaciežnaja administracyja pačała aktyŭna rvać usie suviazi z Zachadam i jaho sajuźnikami ŭ Afrycy, addajučy pieravahu Rasii i najmitam z PVK «Vahnier».
U adkaz na heta krainy Zachodniaj Afryki pry padtrymcy ZŠA, Vialikabrytanii, Francyi i ŭsiaho astatniaha Jeŭrasajuza pradjavili putčystam ultymatum z pahrozaj vajskovaj interviencyi, pavodle jakoha chunta pavinnaja vyzvalić prezidenta Nihiera i viarnuć jamu ŭładu. Termin hetaha ŭltymatumu ŭžo skončyŭsia.
U harach Kyrhyzstana z drona adšukali cieły źnikłych biełaruskich alpinistaŭ8
Kamientary