«Jon vydatna karystajecca luboj zbrojaj». Bajec z novaj desantnaj roty biełarusaŭ raskazaŭ, jak Sachaščyk vajuje
Užo niekalki miesiacaŭ suprać rasijskaj armii na Danbasie ŭ składzie Uzbrojenych sił Ukrainy vajuje 1-ja asobnaja desantna-šturmavaja rota biełarusaŭ. Bajec hetaha padraździaleńnia raskazaŭ «Radyjo Svaboda» pra ŭdzieł u bajach Valeryja Sachaščyka — pradstaŭnika Abjadnanaha pierachodnaha kabinieta pa pytańniach abarony i nacbiaśpieki.
U roty siarod inšaha była ŭłasnaja apieracyja, dzie biełarusy vykonvali hałoŭnuju rolu. Šturmaviki zajšli tudy, kudy nichto nie chacieŭ zachodzić. Heta była načnaja apieracyja.
«Usie asnoŭnyja hrupy byli našy, šturmaviki, prykryćcio, dronščyki, miedevak. My zachapili pazicyju i źniščyli ŭmacavańni. Try našy bajcy byli tady paranienyja, ale na svaich nahach i sa zbrojaj u rukach jany vyšli z boju. Ciapier jany dalečvajucca i chutka dałučacca da nas», — raskazvaje bajec Alaksiej (imia źmieniena).
U «načnoj hrupie» Alaksieja dziejničaŭ i Valeryj Sachaščyk.
«U Sachaščyka surjoznaja fizičnaja padrychtoŭka. Jon udzielničaje i ŭ płanavańni apieracyj, i ŭ samich apieracyjach. Va USU kamandziry ad kamandzira roty i vyšej nie vychodziać na pole boju, jany zastajucca na kamandnych punktach i kirujuć bojem. Ale ja mahu zrazumieć Sachaščyka: kali padrychtoŭka dazvalaje vyjści na zadaču i svaimi vačyma nazirać sučasny boj, to varta heta rabić. Mienavita kab bolš efiektyŭna vykonvać svaju pracu pa raźvićci i zabieśpiačeńni padraździaleńnia.
Miarkuju, što pa kompleksie vajskovych dyscyplin Sachaščyk najlepš padrychtavany ŭ našaj rocie. Jon vydatna karystajecca luboj zbrojaj», — kaža bajec.
Pry dapamozie Sachaščyka rota atrymlivaje nieabchodnaje abstalavańnie, za častku rečaŭ biełarusy płaciać sami. Taksama vielmi dapamahaje šerah pryvatnych sponsaraŭ i arhanizacyja Prague Support Team. Vydatki byvajuć šalonyja. Naprykład, aptyčnyja pryłady dla hrupy Alaksieja kaštujuć jak aŭtamabil.
«Nabyvać za svoj košt davodzicca navat patrony dla śpiecyfičnaj zbroi. Paśla adnoj apieracyi ja paličyŭ, što za noč nastralaŭ na 3000 hryŭniaŭ (74 jeŭra. — RS). Ale kamandavańnie bryhady nas zabiaśpiečvaje ŭsim čym moža. Adnojčy kulamiot ja zajmieŭ za 8 siekundaŭ: majo hałasavoje paviedamleńnie tryvała 5 siekundaŭ, a adkaz kiraŭnictva — try».
Alaksiej kaža, što hanarycca tym, što słužyć u adnym padraździaleńni ź ludźmi, jakija chodziać na Marjinku. Časam im davodzicca pa 5 dzion vytrymlivać bieśpierapynnyja šturmy. I heta pry tym, što biełarusam nie mohuć zahadać heta rabić. Jany iduć tudy dobraachvotna. Kali takich ludziej tam nie budzie, to rasiejcy mohuć prałamić abaronu, dadaje Alaksiej.
Dahetul bajcoŭ u biełaruskuju rotu nabirali praz tak zvanaje sarafannaje radyjo, praz znajomych. Dniami rota zapuściła svoj bot u telehramie i abviaščaje nabor na niekatoryja pazicyi.
Ciapier čytajuć
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»6
«Biełaruś pieradusim». Što viadoma pra 23‑hadovaha aficera śpiecnaza, jakoha asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5959
Kamientary