Zmahańnie dało plon. Za dziesiać hadoŭ płoščy barščeŭniku Sasnoŭskaha ŭ Minsku skaracilisia ŭ 13 razoŭ
Ekołahi padkreślivajuć: dla padtrymańnia spryjalnaj ekałahičnaj abstanoŭki i zachavańnia bijaraznastajnaści stalicy važna nie dapuskać raspaŭsiudžvańnia invaziŭnych raślin i likvidavać ich isnujučyja papulacyi.
U baraćbie z barščeŭnikam Sasnoŭskaha za apošnija 12 hadoŭ u horadzie dasiahnuli prykmietnych pośpiechaŭ. Kali ŭ 2011-m raślina zasialała 242,1 ha, to ŭ 2013-m płošča, dzie jon raście, skaraciłasia da 65,2 ha. Jašče praź piać hadoŭ jana pamienšała da 40,6 ha, a ciapier składaje 18,2 ha, pišuć «Minsk-Naviny».
— Apošnija hady tempy źnižeńnia płoščy barščeŭniku niaznačnyja, — adznačajuć śpiecyjalisty Minharkampryrody. — Tak jak u hlebie znachodzicca vialikaja kolkaść jaho nasieńnia, jakoje zdolna zachoŭvacca tam da vaśmi hadoŭ, a sami raśliny mohuć adkładać ćvicieńnie da nastupleńnia naležnych umoŭ, likvidavać pustazielle chutka i całkam niemahčyma.
Ale kančatkovaja meta — pazbavicca nazaŭždy. Kab jaje dasiahnuć, dla kožnaha rajona Minska štohod raspracoŭvajuć i zaćviardžajuć płany, u jakich uličany miescy rostu barščeŭniku i zaniatyja im płoščy, dakładna prapisany zadańni pa jaho apracoŭcy hierbicydami i inšyja mietady źniščeńnia.
— U baraćbie z barščeŭnikam Sasnoŭskaha važna prytrymlivacca pryncypu paŭsiudnaha pryniaćcia mier na terytoryjach nie tolki ahulnaha karystańnia, ale i zamacavanych za subjektami haspadarańnia, a taksama na ziemlach ludziej, — padkreślivajuć śpiecyjalisty.
Kamientary
Osobist zanimajuŝijsia manitorinho ŚMI nie sidi nie vtykaj, bystro nakatał dakłodnuju zapisku s napravlenijem v Minprirody, šo podstavlajut dieda kriepkoho choziajstvienika!!))