Rasijski telehram-kanał Baza paviedamiŭ, što ŭ noč na 20 lipienia aeradrom u rasijskaj Razanskaj vobłaści atakavali z dapamohaj bieśpiłotnaha latalnaha aparata. Jak miarkujecca, havorka idzie pra aeradrom «Dziahileva», jaki ŭžo atakavali ŭ śniežni 2022 hoda.
Pavodle infarmacyi krynic «Bazy», aeradrom u Razanskaj vobłaści atakavali a 3-j hadzinie nočy 20 lipienia — u hety čas byŭ čuvać vybuch. Paźniej u rajonie stajanki samalotaŭ u Maskoŭskim rajonie vobłaści vyjavili varonku dyjamietram 10 sm i hłybinioj 1,5 sm, što moža być nastupstvam vybuchu.
«Pavodle papiarednich źviestak, vybuch moh być zrobleny z dapamohaj kvadrakoptara, vyrablenaha samatužnym sposabam», — piša Baza. Pavodle jaje źviestak, paškodžańniaŭ i paciarpiełych niama.
Inšyja krynicy pra hety incydent nie paviedamlajuć.
Jak viadoma, u Razanskaj vobłaści raźmieščany vajskovy aeradrom «Dziahileva», dzie dysłakujecca 43-ci centr bajavoha prymianieńnia i pieranavučańnia lotnaha składu.
Kamientary