U vyniku načnoha abstrełu Rasii ŭ porcie Čarnamorska było źniščana 60 tysiač ton zbožža
Pra źniščeńnie ŭ porcie Čarnamorska vialikaj kolkaści pryhatavanaha da vyvazu zbožža paviedamiŭ ministr ahrarnaj palityki Ukrainy Mikałaj Solski.
«Načny ŭdar vyvieŭ z ładu značnuju častku ekspartnaj infrastruktury porta ŭ Čarnamorsku. Taksama było źniščana 60 tysiač ton zbožža, jakoje pavinny byli pahruzić na vielikahruznaje sudna i adpravić pa zbožžavym kalidory jašče 60 dzion tamu», — zajaviŭ ministr.
Z-za ŭdaraŭ paciarpieli zbožžavyja terminały ŭ Adesie i Čarnamorsku, jakija vykarystoŭvali dla pastavak zbožža na suśvietny rynak. Paśla ataki na Krymski most Rasija vyjšła sa zbožžavaj uhody i atakavała ŭkrainskija party, ź jakich vyvoziłasia zbožža.
Raniej pra toje, što rasijanie metanakiravana bjuć pa abjektach, źviazanych sa zbožžavaj uhodaj, zajaviŭ prezident Ukrainy Uładzimir Zialenski:
«Rasijskija terarysty absalutna metanakiravana atakavali infrastrukturu zbožžavaj uhody. Kožnaja rasijskaja rakieta — heta ŭdar nie tolki pa Ukrainie, ale i pa ŭsim u śviecie, chto choča narmalnaha i biaśpiečnaha žyćcia».
Ciapier čytajuć
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni8
Pryłuki pad Minskam na chvali chajpu — biełarusy masava pajechali tudy pa zdymki ŭ styli «Pryciemak». Miascovyja nie ŭ zachapleńni
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ55
Kamientary