Valeryj Sachaščyk — pra sustrečy padčas samitu NATA i Pryhožyna z vahnieraŭcami
Pradstaŭnik pa abaronie i nacyjanalnaj biaśpiecy Abjadnanaha pierachodnaha kabinieta Valeryj Sachaščyk raskazaŭ pra sustrečy, jakija ŭ jaho płanujucca padčas samitu NATA, i padzialiŭsia mierkavańniem nakont vahnieraŭcaŭ u Biełarusi. «Dla samoha Pryhožyna być u Biełarusi nie biaśpiečna. Ja miarkuju, što jon, chutčej za ŭsio, pajedzie ŭ Afryku», — ličyć Sachaščyk.
«Ja ŭpeŭnieny, što abmierkavańnie Biełarusi budzie [na samicie NATA], tamu što realnaja pahroza raźmiaščeńnia jadziernaj zbroi na terytoryi Biełarusi — heta pieršy vielmi mocny faktar. Druhi — absalutna niezrazumiełyja ruchi vakoł hrupy «Vahnier», usio ž pahroza jość, što jana budzie na terytoryi Biełarusi, i heta moža być niebiaśpiečna dla ŭsich susiedziaŭ Biełarusi», — miarkuje Valeryj Sachaščyk.
Jon ličyć, što kankretnych rašeńniaŭ pa Biełarusi ŭ ramkach hetaha samitu nie adbudziecca.
«Šmat hadoŭ Biełarusi nie było ŭ paradku dnia jeŭrapiejskich krain, Amieryki, usie pryvykli, što heta pratektarat Rasii. I heta iniertnaść ciahnułasia doŭha. Ale padziei apošnich paŭtara hadoŭ źmianili adnosiny ŭsich», — tłumačyć jon.
U Sachaščyka zapłanavany sustrečy ŭ ramkach samitu ŭ Vilni.
«Ale ja nie chacieŭ by raskazvać pra ich napierad. Kali adbuducca niejkija rašeńni i spravy, tady my budziem pa ich trymać spravazdaču i raskazvać», — adznačyŭ jon i dadaŭ tolki, što hałoŭnaj temaj na hetych sustrečach buduć biełaruskija vajary va Ukrainie.
Pradstaŭnik Kabinieta parazvažaŭ taksama pra vierahodnaść pierajezdu ŭ Biełaruś vahnieraŭcaŭ.
«Ja nie dumaju, što šmat vahnieraŭcaŭ pryjedzie ŭ Biełaruś, kali pryjeduć naohuł.
Ja miarkuju, što Biełaruś moža być vykarystanaja jak pieravał-baza tolki. Ja liču, što dla samoha Pryhožyna być u Biełarusi nie biaśpiečna. Ja miarkuju, što jon, chutčej za ŭsio, pajedzie ŭ Afryku. Dla Łukašenki budzie taksama strašna krychu mieć vialikuju kolkaść vahnieraŭcaŭ u Biełarusi.
Vy pamiatajecie situacyju 2020 hoda, kali 30 čałaviek stvaryli prablemu i mocna napužali režym. Ja liču, što Łukašenka nie dazvolić vialikaj kolkaści vahnieraŭcaŭ raźmiaścicca ŭ Biełarusi. Ale možna čakać čaho zaŭhodna. Kali Łukašenka na karotkim pavadku i kali jamu vystaviać peŭnyja ŭmovy, jon nie zmoža ničoha zrabić».
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary