Nieruchomaść2020

U minskim Uruččy narešcie znosiać ničyjny katedž, jaki stajaŭ zakinuty 20 hadoŭ

Hety dziŭny katedž u minskim mikrarajonie Uručča stajaŭ zakinutym praktyčna z kanca 90-ch. Staražyły jašče pamiatajuć, jak tut byccam by źbiralisia adkryć restaran, ale abjekt tak i nie zapracavaŭ. Los pabudovy vyrašali bolš za 20 hadoŭ, i voś na hetym tydni na vulicy Haradzieckaj niečakana źjaviłasia budaŭničaja technika, jak piša Realt.by.

Pavodle infarmacyi, znojdzienaj Realt.by u adnym starym dakumiencie pa vykarystańni abjektaŭ niezavieršanaha budaŭnictva na sajcie Minharvykankama, zakinutaja pabudova raniej naležała haražna-budaŭničamu kaapieratyvu «Budtechnika». Kaapieratyŭ mieŭ namier pabudavać tut padziemnuju stajanku na 22 miescy, a taksama ŭźvieści ofisnuju nadbudovu (toj samy katedž).

Jašče ŭ 2003 hodzie ad zabudoŭščyka zapatrabavali vykanać vymohi MNS pa arhanizacyi sistemy aŭtamatyčnaha pažaratušeńnia i dymavydaleńnia. Pa jakich pryčynach kampanii «Budtechnika» tak i nie ŭdałosia vykanać patrabavańni MNS, nieviadoma, ale paśla taho cahlany katedž z čarapičnym dacham prastajaŭ u zamarožanym vyhladzie jašče 20 hadoŭ i staŭ miascovaj lehiendaj.

Adny ličyli, što heta «novy biełarus» budavaŭ dom dla svajoj siamji, ale nie raźličyŭ svaich mahčymaściaŭ. Inšyja kazali, što heta nie dom, a restaran, jaki navat pracavaŭ niejki čas, ale chutka začyniŭsia. Trecija dumali, što pabudovu ŭźviali niezakonna, bo staić blizka da žyłoha doma i zajmaje jaho zialonuju terytoryju.

Zdajecca, nichto ŭ hetaj situacyi racyi i nie mieŭ. Dniami zahadkavy katedž abharadzili, a na budaŭničym płocie źjaviŭsia pašpart abjekta. Zakazčykam rabot na im značycca UKB Zavodskaha rajona. U pašparcie paviedamlajecca, što na miescy doma pravodziacca raboty pa «dobraŭparadkavańni i azielanieńni parušanych ziamiel».

U vyniku na placoŭcy źjaviłasia budaŭničaja technika. Stajanku z kamiercyjnaj nadbudovaj, jakaja tak i nie pačała pracavać, pačali znosić. Spravicca sa znosam kapitalnaha zbudavańnia, a taksama dobraŭparadkavać i azielanić učastak źbirajucca da vieraśnia hetaha hoda.

Žurnalisty Realt.by patelefanavali va UKB Zavodskaha rajona, dzie im rastłumačyli, što na vulicy Haradzieckaj va Uruččy idzie znos abjekta, nie ŭviedzienaha ŭ ekspłuatacyju.

«Idzie znos hetaj kaviarni. Jość zahad, pa jakim my pavinny likvidavać usie niedabudavanyja abjekty ŭ horadzie Minsku. My pasadzim travu i pojdziem. Ničoha budavać my tam nie źbirajemsia».

Kamientary20

  • Acab
    08.07.2023
    chmyk, narešcie źniščać!
  • chmyk
    08.07.2023
    Acab, tak. bo niepryjemna było bačyć navat prosta zredku pralatajučy mima pa kalcavoj. chacia, dumaju, prezident, jakoha jon zhadvaŭ, mažliva naadvarot hetkuju "krasivaść" upadabaŭ by, kali b pabačyŭ )
  • Common sense
    08.07.2023
    chmyk, jeśli nie siekriet,a čto dla vas javlajetsia obrazcom "krasivosti" iz postrojennoho za poślednije 30 let. Kak po mnie v etom zdanii ničieho užasnoho nie było. Nu architiektura tak siebie,no čiestno hovoria panielka kotoraja za etim domom vyhladit chužie. Ja by łučšie jejo śnios.

Ciapier čytajuć

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam1

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam

Usie naviny →
Usie naviny

U DTZ u Voranaŭskim rajonie zahinuła adnahadovaje dzicia

Słavakija viartaje ŭ Biełaruś pasła11

Raspracavany pieršy za 50 hadoŭ antybijotyk suprać śmiarotnaj supierbakteryi

U Maładziečanskim rajonie pradajuć lecišča z marskoha kantejniera

Kolki kaštuje pucioŭka ŭ biełaruski sanatoryj — suma niemałaja2

Piać pytańniaŭ, jakija zastajucca paśla śmierci eks-vykładčyka BNTU Ščukina, što ŭciakaŭ ad milicyi45

Rotam kamunista Syrankova znoŭ ukidvajecca ideja admianić u Biełarusi prezidenckija vybary29

Kiełah: Na pieramovach u Stambule buduć pradstaŭniki ZŠA, Hiermanii, Vialikabrytanii i Francyi3

U Nacyjanalnym mastackim muziei adkryłasia vystava, pryśviečanaja rasijskim pieramoham15

bolš čytanych navin
bolš łajkanych navin

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam1

Staŭ viadomy sapraŭdny hod zasnavańnia Mienska. Adkryćcio było vostrasiužetnym navukovym detektyvam

Hałoŭnaje
Usie naviny →

Zaŭvaha:

 

 

 

 

Zakryć Paviedamić