Piersanalnyja źviestki karystalnikaŭ internet-kramy «Vostraŭ čyścini» trapili ŭ sieciva. Heta ŭžo druhi raz
Uciečka adbyłasia ŭ vyniku niesankcyjanavanaha dostupu da infarmacyjnaj sistemy «Zachadchimhandal», jakaja vałodaje «Vostravam čyścini».
Złamyśniki vystavili na prodaž bazu danych, u jakoj utrymlivajucca piersanalnyja źviestki bolš za 730 tysiač karystalnikaŭ resursu.
Raniej užo pravodziłasia pazapłanavaja pravierka «Zachadchimhandlu» ŭ suviazi z papiaredniaj uciečkaj źviestak. Adnak patrabavańnie pravieści mierapryjemstvy pa techničnaj i kryptahrafičnaj abaronie piersanalnaj infarmacyi vykanana nie było, što pryviało da paŭtornaha incydentu, jak piša BiełTA.
U Nacyjanalnym centry abarony piersanalnych danych źviarnuli ŭvahu apierataraŭ na nieabchodnaść pryniaćcia mier pa abaronie piersanalnych źviestak, u tym liku pa ažyćciaŭleńni techničnaj i kryptahrafičnaj abarony.
Nahadajem, što ŭčora stała viadoma pra ŭciečku danych Buslik.by.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary