«Možacie nie ŭstupać, ale navošta baćkam marnavać hrošy na arendu kvatery?» U MDŁU pałochajuć, što biez členstva ŭ prafsajuzie i BRSM nie zasielać u internat
U studentaŭ Minskaha dziaržaŭnaha linhvistyčnaha ŭniviersiteta, jakija nie ŭstupili ŭ prafsajuz i BRSM, mohuć być prablemy ź miescam u internacie.
Niekalki našych surazmoŭcaŭ raskazali, što atrymlivali ad administracyi VNU paviedamleńni: «Vy nie ličyciesia siabram prafsajuza, tamu viedajcie, što mohuć uźniknuć prablemy z zasialeńniem u internat u nastupnym navučalnym hodzie». Viadoma, adrazu idzie rekamiendacyja ŭstupić u prafsajuz jak maha chutčej, kab paśpieć da pasiadžeńnia kamisii pa žyllova-bytavych pytańniach.
Chtości atrymlivaŭ anałahičnyja «siabroŭskija parady» padčas pryvatnaj hutarki z pradstaŭnikami navučalnaj ustanovy:
«Viadoma, vy možacie nikudy nie ŭstupać, ale padumajcie: navošta vašym baćkam potym marnavać šmat hrošaj na arendu kvatery?»
Na aficyjnym sajcie MDŁU možna znajści paradak zasialeńnia studentaŭ u internaty za minuły navučalny hod. Tam sapraŭdy siarod tych, chto maje prava pretendavać na pieršačarhovaje zasialeńnie ŭ internat, jość punkt «siabry pieršasnaj prafsajuznaj arhanizacyi MDŁU». Pra BRSM zhadak niama. U prykładzie partfolia (rekamiendujuć padavać u elektronnym vyhladzie paralelna z zajavaj na internat i inšymi dakumientami) infarmacyja pra toje, ci jość student siabram prafsajuza, idzie ŭ pieršym skazie — adrazu paśla imia i proźvišča.
Ci sapraŭdy nieabchodna być u abiedźviuch arhanizacyjach — prafsajuzie i BRSM — dla taho, kab atrymać miesca ŭ internacie? Z takim pytańniem niekatoryja baćki studentaŭ źviarnulisia da pradstaŭnicy VNU. I voś jaki adkaz atrymali: «Kali vaša dzicia i ŭ prafsajuzie, i ŭ BRSM, to heta jamu daść pieravahu pry raźmierkavańni miescaŭ u internacie».
Ciapier čytajuć
Azaraŭ zakryŭ płan «Pieramoha» i pieravioŭ usich udzielnikaŭ u rezierv16
Azaraŭ zakryŭ płan «Pieramoha» i pieravioŭ usich udzielnikaŭ u rezierv
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie3232
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie32
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał1111
Kamientary