Litva moža zabaranić tranzit niekatorych tavaraŭ u Biełaruś i Rasiju
Litva moža zabaranić tranzit niekatorych tavaraŭ u Biełaruś i Rasiju, zajaviła ministr ekanomiki krainy Aŭšrynie Armanajcie. Havorka idzie pra tavary padvojnaha pryznačeńnia, jakija patencyjna mohuć vykarystoŭvacca RF dla ahresii suprać Ukrainy. Termin zabarony składzie adzin hod.
«Užo niekatory čas my źbirajem infarmacyju pra tranzit praz terytoryju Litvy roznych značnych tavaraŭ, jakija vyrablajucca za miežami Litvy i iduć praź Litvu ŭ niekatoryja addalenyja krainy. Hetyja tavary iduć naziemnymi šlachami praź Biełaruś i Rasiju, i my zaniepakojenyja značnym pavieličeńniem patoku niekatorych važnych tavaraŭ. U nas jość źviestki ab tym, što niekatoryja z hetych tavaraŭ mohuć być vykarystanyja ŭ vajnie va Ukrainie i akazacca na poli boju», — skazała Aŭšrynie Armanajcie, paviedamlaje Reform.by sa spasyłkaj na BNS.
Armanajcie adznačyła, što niekatoryja z pazicyj padsankcyjnyja, a niekatoryja nie achopleny sankcyjami. U asnoŭnym havorka idzie pra elektroniku. Usiaho zabaronu prapanujecca raspaŭsiudzić na 65 kodaŭ tavarnaj namienkłatury. Užo padrychtavany prajekt pastanovy ŭrada. Ciapier idzie jaho ŭzhadnieńnie, pa vynikach jakoha ŭtrymańnie pieraliku moža być skarektavana.
Ministr ekanomiki Litvy ličyć, što dla taho, kab miera była efiektyŭnaj, treba, kab jaje padtrymlivali inšyja krainy, jakija miažujuć z Rasijaj i Biełaruśsiu.
Takaja miera zhadvałasia ŭ prapanovach Jeŭrakamisii dla 11-ha pakieta sankcyj suprać Rasii, jaki dahetul nie ŭzhodnieny.
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma7
Kamientary