U Rasii rezka vyrasła kolkaść dyviersij. Bolš za ŭsio ich na čyhuncy
Na terytoryi Rasii, a taksama ŭ anieksavanym joj z 2014 hoda Krymie, z 1 studzienia da 12 maja adbyłosia jak minimum 57 sprobaŭ dyviersij na čyhunačnych šlachach, abjektach Minabarony i enierhietyčnych abjektach. Amal 25% ź ich adbylisia tolki za 13 majskich dzion, padličyła vydańnie «Viorstka».
U statystyku ŭvajšli tolki praviedzienyja sproby źniščeńnia dziaržaŭnych abjektaŭ, biez roźnicy, byli jany ŭdałymi ci nie. Heta značyć, nie ŭličvalisia tyja vypadki, kali siłaviki paviedamlali pra zatrymańni hramadzian, jakija nibyta rychtavali dyviersiju, ale nie paśpieli jaje ździejśnić.
Taksama ŭ statystycy niama vypadkaŭ, kali telefonnyja ašukancy prymušali ludziej ździajśniać padpały ŭ abmien na viartańnie skradzienych srodkaŭ.
Tak, u studzieni i lutym było ździejśniena pa 12 sprobaŭ dyviersij. U sakaviku ich kolkaść upała da siami, a ŭ krasaviku znoŭ vyrasła da 12. U mai ž za 11 dzion užo adbylisia jak minimum 14 sprobaŭ źniščeńnia dziaržaŭnaj ułasnaści.
Samy raspaŭsiudžany vid dyviersij — padpały relejnych šaf na čyhuncy. Z pačatku hoda viadoma pra 36 takich vypadkaŭ. Druhija pa papularnaści — padpały vajenkamataŭ, ich było 9. Taksama dyviersanty paškodžvali čyhunačnyja šlachi, padryvali hazapravod, padpalvali palicejskija mašyny, budynak FSB, skład Rashvardyi i centr zboru humanitarnaj dapamohi dla sałdat.
U mai maštab dyviersij pavialičyŭsia. 1 i 2 maja ŭ Branskaj vobłaści adbylisia dva padryvy čyhunačnych šlachoŭ, z rejek syšli dva hruzavyja sastavy. 1 maja ŭ Leninhradskaj vobłaści nieviadomyja ŭzarvali aporu linii elektrapieradačy, a jašče adnu zaminiravali. Praz tydzień na terytoryi avijazavoda Čkałava ŭ Novasibirsku adbyŭsia padpał zakansiervavanaha bambavika Su-24.
Usiaho z pačatku hoda dyviersii ździajśnialisia ŭ 25 rehijonach Rasii i ŭ anieksavanym Krymie. Bolš za ŭsio ich adbyłosia ŭ Padmaskoŭi — dzieviać, piać — u Novasibirskaj vobłaści, pa čatyry ŭ Leninhradskaj vobłaści i Sankt-Pieciarburhu.
Čytajcie taksama:
Ukraina pahružaje Rasiju ŭ «tuman vajny», ukraincy vialikija majstry ŭ hetym — Le Monde
Rasija naŭrad ci zmoža całkam abaranić svaju čyhunku ad dyviersij — raźviedka Brytanii
Ciapier čytajuć
Koŭł: My abmierkavali mahčymuju pajezdku Łukašenki ŭ ZŠA28
Kamientary