«Ja ź nieciarpieńniem čakaju vašaha asabistaha ŭdziełu». Pres-słužba Łukašenki paćvierdziła atrymańnie im zaprašeńnia na samit ad hiensaka AAN
Pres-słužba Łukašenki paćvierdziła, što atrymała zaprašeńnie hienieralnaha sakratara AAN na samit pa metach ustojlivaha raźvićcia (MUR) u vieraśni 2023 hoda ŭ Ńju-Jorku. Prytym hienieralny sakratar AAN ź nieciarpieńniem čakaje asabista Łukašenku.
«Samit pa MUR moža stać momantam, kali naš śviet piarojdzie ad strachu da nadziei i ad pahłybleńnia piesimizmu da paskareńnia dziejańniaŭ.
Ja ź nieciarpieńniem čakaju vašaha asabistaha ŭdziełu ŭ samicie i vašaha ŭkładu ŭ toje, kab jon staŭ pavarotnym momantam dla CUR», — havorycca ŭ zaprašeńni ad imia Antoniu Huteryša.
Łukašenka adrazu ž daŭ jamu adkaz:
«Pierakanany, što dośvied Biełarusi pa efiektyŭnaj arhanizacyi raboty na nacyjanalnym uzroŭni ŭ spravie dasiahnieńnia met ustojlivaha raźvićcia budzie cikavy i karysny dla mnohich inšych dziaržaŭ — členaŭ AAN. My, biezumoŭna, hatovyja padzialicca im padčas praviadzieńnia samitu».
I pry hetaj nahodzie skardzicca na toje, što najbolš zaminaje jamu jašče lepiej realizoŭvać šlachietnyja mety.
«Surjoznym vyklikam dla ahulnaj spravy — dasiahnieńnia met ustojlivaha raźvićcia — źjaŭlajucca adnabakovyja prymusovyja miery, abo sankcyi.
Hetyja valuntarysckija i supiarečnyja mižnarodnamu pravu dziejańni abmiežavanaj svaimi intaresami i praduziataściu hrupy zachodnich dziaržaŭ niepasredna źniščajuć prahres u dasiahnieńni MUR.
Jak možna, naprykład, likvidavać haleču i hoład, kali sankcyi padryvajuć hłabalnuju charčovuju biaśpieku i takim čynam pavialičvajuć maštaby halečy i hoładu dla cełych rehijonaŭ i navat kantynientaŭ?
Sankcyi stali zbrojaj. Jany zdolnyja zabivać!» —
pafasna ŭsklikaje palityk, jaki razharnuŭ u svajoj krainie samyja maštabnyja palityčnyja represii ŭ Jeŭropie z časoŭ śmierci Stalina i staŭ suahresaram u zachopnickaj vajnie Rasii suprać Ukrainy.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž36
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary