Niderłandskaja technałahičnaja kampanija Philips, jakaja siarod inšaha śpiecyjalizujecca na miedycynskich technałohijach, praciahnie pracavać na rasijskim rynku. Pra heta hienieralny dyrektar kampanii Roj Jakabs zajaviŭ na štohadovym schodzie akcyjanieraŭ kampanii ŭ Amsterdamie, paviedamlaje «Jeŭrapiejskaja praŭda» sa spasyłkaj na Reuters.
Pazicyja kampanii takaja: «prava na achovu zdaroŭja ŭniviersalnaje, i my častka sistemy, jakaja zabiaśpiečvaje achovu zdaroŭja»; «my robim heta ŭ Rasii hetak ža, jak i va Ukrainie».
Pa słovach hiendyrektara kampanii, dziejnaść Philips u Rasii skancentravana na absłuhoŭvańni i pastaŭcy balničnaha abstalavańnia, naprykład, bujnych miedycynskich skanieraŭ. Kampanija spyniła pradavać u Rasii svaje tavary dla asabistaj hihijeny, ale nie ŭsie: tavary dla dohladu za ciažarnymi žančynami pradajucca.
Pry hetym jon dadaŭ, što dziejnaść u RF nie źjaŭlajecca prybytkovaj.
Niderłandskaja asacyjacyja akcyjanieraŭ VEB na schodzie akcyjanieraŭ zaklikała Philips spynić svaju dziejnaść u Rasii. «Niemahčyma zastavacca niejtralnym u hetym kanflikcie», — zajaviŭ jaje dyrektar Hierbien Evierts.
Džefry Epštejn niekalki razoŭ atrymlivaŭ vizu ŭ Biełaruś. I dakładna naviedvaŭ našuju krainu7
Kamientary