Indyjca, jaki spraŭlaŭ patrebu na rejkach, zabiła karovaj
Ułady Indyi heta nazvali standartnaj źjavaj.
U indyjskim štacie Radžastan chutkasny ciahnik vypadkova źbiŭ karovu, jakaja ad udaru rezka adlacieła ŭ bok mužčyny, jaki znachodziŭsia pobač, i zabiła jaho. Pra hety vypadak raskazała vydańnie India Today.
Zahinułym akazaŭsia miascovy piensijanier, jaki sam u minułym adpracavaŭ šmat hadoŭ na čyhuncy. Jak adznačaje vydańnie, u momant prylotu karovy mužčyna spraŭlaŭ patrebu kala rejek.
«Pa słovach svajakoŭ zahinułaha, na šlachu chutkasnaha ciahnika stała karova. Udar ad sutyknieńnia byŭ taki, što karova adlacieła na 30 mietraŭ na mužčynu, jaki ŭ toj momant spraŭlaŭ patrebu kala rejek. Toj zahinuŭ na miescy», — napisała vydańnie India Today.
Miascovyja ŭłady štata ŭ svaju čarhu padkreślili, što takija zdareńni nie ŭnikalnyja, bo ŭ rehijonie karovy rehularna traplajuć na čyhunačnyja šlachi i mahčymaść sutyknieńnia ź imi navat uličvajecca pry vytvorčaści ciahnikoŭ.
Adnak pry hetym ułady dadali, što źbirajucca pastupova stavić mietaličnyja aharodžy ŭzdoŭž čyhunačnych šlachoŭ, kab praduchilać padobnyja niaščasnyja vypadki i z žyviołami, i ź ludźmi.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary