Hienieralny sakratar NATA Jens Stołtenbierh paćvierdziŭ, što ŭsie krainy, jakija ŭvachodziać u Paŭnočnaatłantyčny aljans, uzhadnili ŭvachodžańnie ŭ błok Ukrainy, adnak ciapier asnoŭnuju ŭvahu nieabchodna sfakusavać na tym, kab dapamahčy Kijevu atrymać pieramohu ŭ vajnie z Maskvoj, paviedamlaje Bi-bi-si.
Takuju zajavu Stołtenbierh, jaki napiaredadni naviedaŭ Kijeŭ ź nieabvieščanym vizitam, zrabiŭ u piatnicu ranicaj, vystupajučy pierad sustrečaj kantaktnaj hrupy pa abaronie Ukrainy na avijabazie Ramštajn u Hiermanii.
Raniej paviedamlałasia, što pytańnie ab členstvie Kijeva ŭ NATA moža być razhledžana ŭžo letam, adnak sam praces farmalnaha pryniaćcia Ukrainy moža zaniać nie adzin miesiac.
Stołtenbierh taksama abviaściŭ žurnalistam, što paśla zakančeńnia vajny va Ukrainy pavinny źjavicca niejkija ryčahi «dla praduchileńnia novych napadaŭ».
Rasijskaje vajskovaje kamandavańnie nazyvaje pašyreńnie NATA na ŭschod adnoj z hałoŭnych pryčyn raźviazanaj Kramlom vajny va Ukrainie (ledź nie samaj hałoŭnaj).
Adnak z pačatku poŭnamaštabnaha ŭvarvańnia va Ukrainu rasijskich vojskaŭ u lutym minułaha hoda ŭ NATA ŭžo paśpieli paprasicca raniej niejtralnyja Šviecyja i Finlandyja.
Finlandyja zaviaršyła farmalny praces uvachodžańnia ŭ NATA dva tydni tamu: 4 krasavika nad štab-kvateraj NATA ŭ Brusieli byŭ uźniaty finski ściah.
Ciapier čytajuć
«Pieraapranuŭsia ŭ amapaŭca i dyryžyravaŭ čornaj dubinkaj». Adzin z zasnavalnikaŭ «Volnaha choru» — pra akcyi ŭ handlovych centrach u 2020‑m i pracu ŭ fiłarmonii ŭ Litvie55
Kamientary
Jemu druhoho puti nie ostavili ,kak isklučiť vozmožnosť suŝiestvovanija NATO na tierritorii nyniešniej Ukrainy .
Finnam užie vłasť skazała zatiahivať pojasa potužie.