Dyzajnier padpaliŭ ściah Azierbajdžana na cyrymonii adkryćcia čempijanatu Jeŭropy ŭ Jerevanie
Padčas adkryćcia čempijanatu Jeŭropy pa ciažkaj atletycy ŭ stalicy Armienii dyzajnier Aram Nikalan vychapiŭ u dziaŭčyny — udzielnicy cyrymonii ściah Azierbajdžana, padpaliŭ jaho i panios sa sceny.
Mužčynu zatrymała palicyja.
Zatym zbornaja Azierbajdžana admoviłasia ad udziełu ŭ čempijanacie. Pra heta paviedamlaje Azerisport.com sa spasyłkaj na sumiesnuju zajavu Ministerstva moładzi i sportu i Nacyjanalnaha alimpijskaha kamiteta Azierbajdžana.
«Ździajśnieńnie padobnaha varvarskaha dziejańnia na cyrymonii, u jakoj udzielničaŭ taksama premjer-ministr Armienii, i padtrymka armianskaj hramadskaściu hetaha dziejańnia, a taksama pradstaŭleńnie asoby, jakaja ŭčyniła heta, jak hieroja, źjaŭlajecca nahladnym pakazčykam etničnaj nianaviści, rasizmu, ksienafobii i azierbajdžanafobii ŭ hetaj krainie. Aproč inšaha, heta całkam supiarečyć vysakarodnaj mecie i pryncypam sportu, jakija prapahanduje siabroŭstva pamiž narodami i parazumieńnie», — havorycca ŭ zajavie.
Kamientary