U Niaśvižy susiedzi nie padzialili piešachodnuju darožku. Daviałosia raźbiracca staršyni vykankama

Pa słovach Valanciny Załatarovaj ź Niaśviža, jaje pytańnie staić jašče z 90-ych hadoŭ: mienavita tady susiedzi pa padjeździe (adnačasova i plamieńnik zajaŭnicy) zrabili prybudovu da svajoj kvatery.

Pavialičyć

«U nas dvuchpaviarchovy 4-kvaterny dom, u kožnaj siamji svoj uvachod. Kali budynak pieršapačatkova budavaŭsia, prystupki ŭ našaj i susiedniaj kvatery byli na adnym uzroŭni. Potym susiedzi zrabili sabie jašče adzin pakoj: tolki na jakoj padstavie, niezrazumieła. A try hady tamu jany pabudavali novy hanak ź vialikim padaŭžeńniem, tym samym pierakryŭšy nam prajezd pa piešachodnaj darožcy. Jość, viadoma, abychod pa kalainie, ale da čaho takija niazručnaści? My z mužam abodva stałaha ŭzrostu, muž da taho ž invalid, pierasoŭvajecca na invalidnym kreśle». — raskazała žančyna.

Pavialičyć

Alaksandr Turčyn vyrašyŭ vyjechać na miesca, kab na svaje vočy ŭbačyć: ci sapraŭdy hanak, pabudavany susiedziami Valanciny Ivanaŭny, pieraškadžaje prachodu i prajezdu jaje muža.

Na miescy hłabalnaj prablemy žurnalisty nie ŭbačyli. Dvarovaja terytoryja vialikaja, miesca dastatkova. Inšaja sprava, što jaje nie pieraškadžała b pryvieści ŭ paradak.

Pavialičyć

Jak raspaviała hubiernataru susiedka zajaŭnicy — Halina Uładzimiraŭna — prybudova da doma była zroblenaja jašče ŭ 90-ja hady, jość i adpaviednyja dakumienty.

— Tut i tady byli prystupki, ale mienšyja. U nas siamja, dzieci, unuki — my vyrašyli palepšyć žyllovyja ŭmovy, zrabili novyja prystupki. Pieršy čas usio było cicha. Kali ž my abkłali prystupki plitkaj, pačalisia kanflikty z Valancinaj Ivanaŭnaj. Ale tut usio roŭna dastatkova miesca i dla taho, kab prajści da bramki, i prajechać da jaje.

Pavialičyć

— Ale davodzicca zvaročvać, kab prosta da bramki vyjści. A navošta nam takija niazručnaści? — nie sunimajecca Valancina Załatarova

Jak adznačyŭ Alaksandr Turčyn, prablema sapraŭdy vysmaktanaja z palca:

«U vašych susiedziaŭ hanak i tak vielmi vysoki, navat z ulikam taho, što jany dadali prystupki. Nie ŭjaŭlaju, jak jany raniej padymalisia ŭ dom, — vykazaŭ svajo mierkavańnie kiraŭnik Minščyny. — Vy stolki času marnujecie na niepatrebnyja sprečki sa svajakami, zamiest taho, kab znajści ź imi ahulnuju movu, damovicca, pryvieści ŭ paradak dvarovuju terytoryju. Tut možna nie toje, što chadzić ci jeździć — u futboł možna hulać! Treba ŭmieć damaŭlacca ź blizkimi vam ludźmi i šukać kampramis», — skazaŭ Turčyn.

Pavialičyć

A što tyčycca prybudovy da doma, pra jakuju zhadvała Valancina Ivanaŭna — dakazać jaje niezakonnaść zajaŭnica moža tolki ŭ sudovym paradku.

Pavialičyć

«Toje, što ŭ mianie jość — ja za heta ŭčapiŭsia, trymajusia i žyvu». Historyja mastaka, jaki maluje zubami

U Baranavičach pačaŭsia sud nad byłym dyrektaram ptuškafabryki «Družba». Praces zakryty

• 4
• 0
• 2
• 28
• 2
• 3
• 4
• 0