«Heta moža vyklikać rak». Navukoviec bje tryvohu adnosna taho, što ŭ Biełarusi pačali apramieńvać pradukty radyjacyjaj
Radyjacyjnaja sterylizacyja praduktaŭ vyklikaje šmatlikija pytańni, kaža chimik Siarhiej Biesarab.
Pra ekśpierymienty z radyjacyjnaj sterylizacyjaj praduktaŭ paviedamiŭ dyrektar Instytuta enierhietyčnych i jadziernych daśledavańniaŭ NAN Biełarusi ŭ Sosnach Andrej Kuźmin.
Pavodle jaho, taki mietad apracoŭki — «absalutna biaśpiečny» i daje stapracentnuju sterylnaść, jakoj niemahčyma dasiahnuć inšymi sposabami. Radyjacyjnaje apramieńvańnie zabivaje patahieny i nie pakidaje śladoŭ, u adroźnieńnie ad «toj ža chimii», nastojvaje Kuźmin.
Navukoviec Siarhiej Biesarab śćviardžaje: «Apramieńvańnie pakidaje takija ž ślady, jak i taja ž chimija». Padčas radyjacyjnaha ŭździejańnia ŭtvarajecca mnostva hetak zvanych «svabodnych radykałaŭ», z-za jakich žyvyja arhanizmy chutčej starejuć, da taho ž jany mohuć pryvieści da rakavych novaŭtvareńniaŭ».
Siarhiej Biesarab — vypusknik kafiedry radyjacyjnaj chimii BDU, dzie jon zajmaŭsia mienavita svabodnymi radykałami, jakija ŭźnikajuć pad uździejańniem radyjacyi. Jaho navukovy kiraŭnik, prafiesar Aleh Šadyra, ličyŭsia najlepšym śpiecyjalistam u daśledavańni ŭpłyvu radyjacyi.
Pavodle Biesaraba, apramianieńnie praduktaŭ pryvodzić da źmianieńnia smaku, naprykład, masła stanovicca prahorkłym, a šakaład moža ŭvohule sapsavacca. Radyjacyjnaja apracoŭka najmacniejšymi patokami ianizavanych złučeńniaŭ moža paskoryć takija pracesy ŭ razy, adznačaje jon.
Navukoviec ličyć, što ŭ niekatorych vypadkach radyjacyjnaja apracoŭka «ŭmoŭna biaśpiečnaja».
«Najlepiej apracoŭvać takim sposabam pradukty, jakija ŭtrymlivajuć jak maha mienš vilhaci, bo ŭ asnovie ŭździejańnia radyjacyi lažać kardynalnyja źmieny ŭ struktury vady, jakaja jość u lubym žyvym arhaniźmie i ŭ mnohich niežyvych abjektach», — tłumačyć navukoviec.
Pa jaho słovach, «taja ž chimija», jakuju vykarystoŭvajuć dla sterylizacyi, pryvodzić da ŭtvareńnia škodnych rečyvaŭ-akiślalnikaŭ tolki na pavierchni praduktu, a pry radyjacyjnaj apracoŭcy hetyja rečyvy ŭźnikajuć adrazu va ŭsim jaho abjomie.
Pavodle Andreja Kuźmina, zapatrabavanym apramieńvańnie budzie dla pradukcyi miedyčnaha pryznačeńnia, kaśmietyčnych srodkaŭ, praduktaŭ charčavańnia, a taksama ŭ enierhietycy i ŽKH. Jak prykład efiektyŭnaj praktyki vykarystańnia takoha mietadu, zhadvajecca Vialikabrytanija, dzie nibyta tak sterylizujuć navat kaŭbasu.
Sierhiej Biesarab nastojvaje: zvyšvialikija «sterylizacyjnyja» dozy radyjacyi pryvodziać nie tolki da źmieny pachu, smaku praduktaŭ i da razbureńnia karysnych rečyvaŭ, ale navat da ŭźniknieńnia taksičnych rečyvaŭ.
«Tamu sterylizavać adnym i tym ža vypramieńvańniem miedyčnyja šprycy i pradukty charčavańnia — heta duraść, chacia b tamu, što patrebnyja roznyja dozy radyjacyi. Darečy, ź miasnymi praduktami, z toj ža anhlijskaj kaŭbasoj, pra jakuju zhadvaje Kuźmin, u śviecie pytańnie da kanca na siońnia nie vyrašana. Taki sposab daśledujecca, i havorki pra vykarystańnie jaho paŭsiul niama», — adznačaje jon.
Navukoviec ličyć, što za zajavami ab biaskryŭdnym radyjacyjnym apramieńvańni praduktaŭ chavajecca zmahańnie ŭłady z radyjafobijaj biełarusaŭ.
«Naša Niva» — bastyjon biełaruščyny
PADTRYMAĆČytajcie taksama:
«Heta zbroja vypalenaj ziamli». Što takoje «brudnaja bomba» i što rabić, kali jaje padarvuć u Biełarusi
«Niamała kaštoŭnych lasoŭ apynulisia pa-za miežami achoŭnych terytoryj». Bijołah pra toje, što adbyvajecca ź lesam
Kamientary