Łukašenka: Ja atrymaŭ apošniuju infarmacyju pa šalenstvie palakaŭ na miažy
Alaksandr Łukašenka ličyć, što palakam pryjdziecca adstupić i adkryć miežy ź Biełaruśsiu. Pra heta jon zajaviŭ na pasiadžeńni Saŭmina 10 sakavika.
«Ja atrymaŭ apošniuju infarmacyju pa šalenstvie palakaŭ na miažy: tam padnialisia ŭsie — i na ŭschodzie, i na zachadzie. Navat Niamieččyna kateharyčna nie prymaje dziejańni palakaŭ na miažy ź Biełaruśsiu. Jany zastoparyli ŭsio. I samaje cikavaje, što mienš za ŭsio ad hetaha pakutujem my. A bolš za ŭsio pakutujuć na Uschodzie: Kitaj, asabliva Kazachstan, navat turki, Arabskija Emiraty. Usie paŭstali suprać hetaha. I zachodniaja častka Jeŭropy. Praź Biełaruś idzie tranzit, bolš niama kudy: Ukraina vajuje, jechać praz Afryku daloka, praz Paŭnočnuju Jeŭropu — jašče dalej. Nikudy nie dzieniešsia. Vializnyja straty, asabliva niemcy, niasuć», — skazaŭ jon.
Łukašenka ličyć, što «jak by amierykancy ni sprabavali źniščyć Jeŭropu, u tym liku hetym brydkim mietadam, usio roŭna Jeŭropie pryjdziecca, asabliva palakam, tut adstupić».
Jak raźvivalisia padziei
- 8 lutaha žurnalistu i aktyvistu polskaj nacyjanalnaj mienšaści Andreju Pačobutu prysudzili 8 hadoŭ uzmocnienaha režymu.
- Z 10 lutaha polski bok «u suviazi z važnymi intaresami dziaržaŭnaj biaśpieki» zakryŭ pamiežny pierachod ź Biełaruśsiu ŭ Babroŭnikach.
- 17 lutaha Biełaruś abviaściła, što ruch hruzavych aŭtamabilaŭ i ciahačoŭ, zarehistravanych u Polščy, budzie zaraz ažyćciaŭlacca tolki praź biełaruska-polski ŭčastak dziaržaŭnaj miažy Respubliki Biełaruś.
- 20 lutaha Polšča abmiežavała ruch na pamiežnym pierachodzie «Kukuryki — Kazłovičy», pakul «nie zdymuć abmiežavańni z polskich pieravozčykaŭ».
- U sakaviku pamiežny pierachod «Babroŭniki» Polšča pieraharadziła bietonnymi błokami.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary