Mižnarodnuju premiju miru Typerery za 2022 hod uručyli ŭ Irłandyi.
«Hetaja ŭznaharoda prysudžajecca nie tolki mnie, jana prysudžajecca miljonam svabodnych ludziej Biełarusi, jakija biasstrašna i samaaddana supraciŭlalisia tyranii na praciahu apošnich troch hadoŭ, — skazała Śviatłana Cichanoŭskaja.
— Ja hanarusia imi i dziakuju Kamitetu miru Typerery i Irłandyi za heta pryznańnie. Irłandyja zaŭsiody była siabram Biełarusi i asabista mnie. Dziciem ja pryjechała ŭ Irłandyju pa prahramie dapamohi dzieciam Čarnobyla i žyła ŭ samaj ciopłaj siamji ŭ hetym samym rajonie hrafstva Typerery. Hetaja siamja pakazała mnie, jakoje vialikaje serca ŭ irłandcaŭ, i ja ščaślivaja, što ŭsio jašče padtrymlivaju ź imi suviaź».
«Heta nievierahodnaja padtrymka demakratyčnaha ruchu Biełarusi i sotniaŭ tysiač aktyvistaŭ, jakija supraciŭlajucca tyranii na miescach. Heta daje nadzieju tysiačam palityčnych źniavolenych, jakija pakutujuć u biełaruskich turmach za svaju praŭdu, za svaju smahu da svabody i za prychilnaść demakratyčnym kaštoŭnaściam. Vaša ŭvaha da Biełarusi robić tyranaŭ bolš uraźlivymi, a vaša salidarnaść robić nas macniejšymi», — padziakavała Cichanoŭskaja.
Raniej siarod łaŭreataŭ hetaj premii byli, naprykład, były prezident PAR Nelsan Mandeła, były dziaržsakratar ZŠA Džon Kery.
Kamientary