Stała viadoma, kolki snaradaŭ vypuskaje Ukraina štomiesiac i kolki płanuje. Ličby ŭražvajuć
Ukraina źviarnułasia da ES z prośbaj dasyłać Kijevu 250000 artyleryjskich snaradaŭ na miesiac, kab pamienšyć vostry deficyt, jaki abmiažoŭvaje jaje prasoŭvańnie na poli boju.
Ministr abarony Ukrainy Alaksiej Reźnikaŭ źviarnuŭsia ŭ liście da krain-udzielnic ES z prośbaj pastaŭlać Ukrainie pa 250 tysiač artyleryjskich snaradaŭ na miesiac. Pra heta piša «UP» sa spasyłkaj na Financial Times, u rasparadžeńni jakoj apynuŭsia list Reźnikava.
U liście da svaich kaleh ź ES Reźnikaŭ davodzić, što artyleryja ihraje «vyrašalnuju rolu ŭ źniščeńni vajennaj mocy sapiernika».
Pavodle jaho, u siarednim Ukraina vypuskała 110 000 snaradaŭ kalibru 155 mm na miesiac — heta čverć ad toj kolkaści, jakuju vykarystoŭvała Rasija.
«Kali b my nie byli abmiežavanyja kolkaściu najaŭnych artyleryjskich snaradaŭ, my mahli b vykarystoŭvać uvieś bojekamplekt, a heta 594000 snaradaŭ za miesiac», — paviedamiŭ Reźnikaŭ, majučy na ŭvazie mahutnaść artyleryjskich sistem, dastupnych Ukrainie.
«Pavodle našych acenak, dla paśpiachovaha vykanańnia zadač na poli boju minimalnaja patrebnaść składaje nie mienš jak 60 pracentaŭ ad poŭnaha bojekamplektu, abo 356400 snaradaŭ na miesiac», — dadaŭ ministr.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała18
Kamientary