Advakata Michaiła Makarava asudzili da hoda kałonii za ŭdzieł u akcyi pratestu
U sudzie Leninskaha rajona Minska 3 sakavika pavodle č. 1 art. 342 Kryminalnaha kodeksa (udzieł u dziejańniach, jakija hruba parušajuć hramadski paradak) da adnaho hoda kałonii asudzili palitźniavolenaha advakata Michaiła Makarava. Jaho abvinavacili va ŭdziele ŭ akcyi pratestu ŭ 2020 hodzie ŭ Minsku. Spravu razhladała sudździa Julija Ščotkina, piša «Viasna».
Michaiła Makarava zatrymali z žonkaj i jašče adnoj advakatkaj — Anastasijaj Sahanovič — 13 vieraśnia 2022 hoda. Tady zatrymańnie advakata źviazvali z abaronaj palitźniavolenych aktyvistaŭ anarchičnaha ruchu. Jon abaraniaŭ palitźniavolenaha Mikitu Dranca pa spravie «Revalucyjnaha dziejańnia».
Adrazu Makarava asudzili na 15 sutak u sudzie Frunzienskaha rajona Minska pavodle art. 19.11 KaAP (raspaŭsiudžvańnie ekstremisckich materyjałaŭ). Paśla hetaha jamu vystavili abvinavačvańnie pavodle art. 342 KK i pieraviali ŭ SIZA, dzie jaho ŭtrymlivajuć da hetaha času.
3 listapada 2022 hoda Ministerstva justycyi pazbaviła Michaiła licenzii z pryčyny «dyscyplinarnych spahnańniaŭ i za ździajśnieńnie pravin, niesumiaščalnych sa zvańniem advakata».
2 sakavika 2023 hoda nad advakatam, pazbaŭlenym licenzii, raspačaŭsia sud.
U vyniku, Makravu pryznačyli adzin hod kałonii va ŭmovach ahulnaha režymu.
Ciapier čytajuć
Vyzvalenyja biełaruskija palitviaźni parazmaŭlali ź Zialenskim9
Kamientary