Voś kim akazaŭsia toj vajskoviec ź videa, jaki abiacaŭ «hryźci» voraha
Padčas pres-tura ŭ 38‑iu Bresckuju asobnuju hvardziejskuju desantna-šturmavuju bryhadu žurnalist NBC News zapisaŭ karotki dyjałoh z adnym z vajskoŭcaŭ. Na pytańnie, ci hatovy jon zmahacca, kali daviadziecca, toj adkazaŭ: «Kaniečnie! Tak! Tak! Hryźci budziem!»
Vizit adbyŭsia jašče 13 lutaha, ale zamiežny siužet byŭ apublikavany siońnia.
Jak vyśvietliłasia, mužčyna, jaki davaŭ kamientaryj, — nie šarahovy bajec i nie kamandzir, a palitruk.
Heta Suchaviła Siarhiej Michajłavič, piša «Biełaruski Hajun». Jaho pasada ŭ v/č 92616 Bresta hučyć jak namieśnik kamandzira bryhady pa ideałahičnaj pracy — načalnik adździeła ideałahičnaj pracy.
Suchaviłu 45 hod. Jon vypusknik Minskaha suvoraŭskaha vučylišča. Byŭ delehatam Usiebiełaruskaha narodnaha schodu.
U 2006 hodzie jon atrymaŭ orden ad Łukašenki «Za asabistuju mužnaść». Kali jon pravodziŭ zaniatki ŭ 38-j bryhadzie, adzin z navabrancaŭ niaŭdała kinuŭ hranatu i taja ŭpała pabač ź im u akopie. Suchaviła vykinuŭ sałdata z akopa, vyskačyŭ sam i prykryŭ jaho.
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje6
Kamientary