Da 15 hadoŭ kałonii. Ahučyli vyraki ŭ spravie «Rabočaha ruchu»
U Homieli 17 lutaha abviaścili prysud abvinavačanym pa kryminalnaj spravie «Rabočaha ruchu». Amal usie asudžanyja pracavali na vialikich biełaruskich pradpryjemstvach: «Naftan», «Hrodna Azot», BMZ, «Atłant», Biełaruskaja čyhunka. Bolšaść — rabočyja.
«Rabočy ruch» — abjadnańnie rabočych, jakija byli nie zhodnyja z tym, što adbyvajecca ŭ krainie. Ludzi byli hatovyja adkryta vykazvacca i adstojvać svaju pazicyju.
21 vieraśnia 2021 hoda pryznali ekstremisckaj arhanizacyjaj i «Rabočy ruch». Adrazu prajšła chvala zatrymańniaŭ: aktyvistaŭ chapali i ŭ Biełarusi, i ŭ Rasii. Niekatorych ludziej zatrymlivali jašče z 17 vieraśnia, da aficyjnaha pryznańnia ruchu «ekstremisckim». Pracavaŭ KDB.
U spravie naličvałasia 38 tamoŭ, u tym liku sakretny. Sud doŭžyŭsia try miesiacy, prachodziŭ z 9 listapada, bolšaja častka pracesu prachodziła ŭ zakrytym režymie. Abvinavačanyja admovilisia davać pakazańni.
U vyniku, jak piša «Radyjo Svaboda», Siarhieja Šelesta pakarali 14 hadami kałonii;
Uładzimira Žuraŭku — 15 hadami kałonii;
Andreja Pahieryłu — 14 hadami kałonii;
Hannu Abłab — 11 hadami kałonii;
Alaksandra Hašnikava — 14 hadami kałonii;
Siarhieja Dziubu — 12 hadami kałonii;
Ihara Minca — 12 hadami kałonii;
Valancina Cieranieviča — 12 hadami kałonii;
Siarhieja Šamiećku — 12 hadami kałonii;
Alaksandra Kapšula — 15 hadami kałonii.
Usie dziesiać fihurantaŭ nie pryznali vinu ŭ zdradzie dziaržavie i stvareńni ekstremisckaha farmiravańnia. Andrej Pahieryła pryznaŭ vinu pa artykule ab paklopie.
Alaksandr Kapšul z 31 śniežnia trymaŭ haładoŭku.
Kamientary