Ciapier žycharkam Paŭnočnaj Karei zabaroniena mieć takoje ž imia, jak u Čžu E, prykładna 10-hadovaj dački Kim Čen Yna. Kali ž kahości ŭžo tak nazvali, pryjdziecca šukać novaje imia.
Ułady KNDR prymušajuć dziaŭčat i žančyn, jakija nosiać imia Čžu E, pierajmianoŭvacca. Pryčyna ŭ tym, što takoje ž imia nosić 10-hadovaja dačka kiraŭnika krainy Kim Čen Yna, piša Radio Free Asia.
Vydańnie spasyłajecca na dźvie ananimnyja krynicy, pavodle jakich ułady ŭ Pchieńjanie i inšym horadzie, Čondžu, prymušajuć žančyn źmianiać imia ŭ svaich paśviedčańniach ab naradžeńni. Ciapier imia Čžu E nibyta zareziervavanaje dla asob «najvyšejšaj hodnaści», u pieralik jakich, vierahodna, uvachodzić spadkajemnica siamiejstva Kimaŭ.
Krynicy raskazvajuć pra ŭnutrany zahad ad centralnaha ŭrada, zhodna ź jakim źmianić imia treba nie paźniej čym za tydzień.
Pa danych paŭdniovakarejskaj vyviedki, prykładny ŭzrost Kim Čžu E — ad 10 da 12 hadoŭ, heta siaredniaja dačka Kim Čen Yna i adzinaje jaho dzicia, jakoje źjaŭlajecca na publicy. Upieršyniu jaje pakazali śvietu ŭ listapadzie minułaha hoda, kali Kim Čen Yn ź dziaŭčynkaj prysutničali na probnym zapusku mižkantynientalnaj balistyčnaj rakiety.
Na minułym tydni Čžu E znoŭ źjaviłasia na publicy — jana ŭziała ŭdzieł u bankiecie z hałoŭnymi paŭnočnakarejskimi hienierałami. Praz toje, što dačka Kim Čen Yna atrymlivaje stolki ŭvahi, ekśpierty miarkujuć, što jana moža stać jaho spadkajemnicaj na čale krainy.
Heta nie pieršy vypadak zabarony imia ŭ KNDR, bo sam Kim Čen Yn, kali ŭznačaliŭ krainu, zabaraniŭ inšym nasić jaho imia (Čen Yn). U vypadku z Čžu E pakul ciažka skazać, što jaje čakaje i ci niasie niejki sens zabarona nasić jaje imia.
Lidar KNDR Kim Čen Yn razam z dačkoj 8 lutaha prymaŭ parad z nahody 75-hodździa zasnavańnia armii krainy
Kim Čen Yn pryvioŭ dačku na bankiet z hienierałami
Paŭnočnaja Kareja rychtujecca adpravić niekalki socień čałaviek u anieksavanyja Rasijaj «DNR» i «ŁNR»
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary