Kancert arhannaj muzyki i šmat inšaha

U Vialikim kancertnym zale Biełaruskaj dziaržaŭnaj fiłarmonii prachodzić CHCHCHVI mižnarodny fiestyval mastactvaŭ «Biełaruskaja muzyčnaja vosień».

My paprasili adznačyć najbolš značnyja kancerty, jakija jašče adbuducca ŭ miežach fiestyvalu kampazitara Łarysu Simakovič.

29 kastryčnika projdzie kancert, u prahramie jakoha tvory I.S.Bacha, I.Bramsa, N.Pahanini, E.Izai, M.Ravela, Ž.Bize.

«Ja b nazvała hety kancert dla amataraŭ ekzotyki. Vykonvać tvory buduć dva skrypačy z Maskvy i adzin z Sankt-Pieciarburha. Jany źjaŭlajucca jašče studentami kansiervatoryi, ale ŭžo stali łaŭreatami mižnarodnaha konkursu skrypačoŭ imia D.Ojstracha».

30 kastryčnika — kancert «Zaprašeńnie ŭ krainu dziacinstva», pryśviečany 80-hodździu z dnia narodzinaŭ Jaŭhiena Hlebava. «Heta druhi kancert u miežach «Biełaruskaj muzyčnaj vosieni» pa tvorach vydatnaha kampazitara. Pieršy prajšoŭ 26 kastryčnika ŭ vykanańni Nacyjanalnaha kancertnaha arkiestra Biełarusi. «Zaprašeńnie ŭ krainu dziacinstva» padrychtavaŭ Dziaržaŭny simfaničny arkiestr».

5 listapada amierykanski arhanist Ronald Ebrecht pradstaŭlaje «Šedeŭry suśvietnaha arhannaha mastactva». Prahučać tvory F.Pulenka, H.Branta, N.Brusa, Dž.Kiejdža, U.Ołbrajta, D.Charda, S.MakCi.

«Ebrecht pryjazdžaje da nas užo nie pieršy raz. Jaho prahrama cikavaja ŭžo tym, što arhan spałučajecca sa strunnym arkiestram i litaraŭrami. Dyryžuje — Viačasłaŭ Volič. Kali vy jašče pačujecie vykanańnie tvoraŭ Branta i Brusa dla arhana i ŭdarnych?!»

6 listapada — vystupaje Nacyjanalny akademičny Narodny arkiestr Respubliki Biełaruś imia I.Žynoviča. U prahramie — pieśni ansambla «Pieśniary» Uładzimira Mulavina. «Heta kancert z nahody 40-hodździa kalektyvu. Jość pieśni ŭ ansambla, jakija z-za ciažkaści ich vykanańnia nie stali masavymi. Ale na kancercie i ich vykanajuć. Dyryžyravać budzie Alaksandr Kramko».

«Zakončycca «Biełaruskaja muzyčnaja vosień» 7 listapada vystupleńniem nacyjanalny akademičny choru Respubliki Biełaruś imia H.Citoviča pad kiraŭnictvam Michaiła Drynieŭskaha. Užo nie pieršy raz kancertam hetaka kalektyvu zaviaršajecca fiestyval i prypadaje jon na Dziadzoŭskuju subotu. Ci budzie na vystupleńni adlustravana hetaja tematyka? Prychodźcie i pasłuchajcie sami».

U miežach fiestyvalu taksama projduć inšyja kancerty.

28 kastryčnika — «Ihar Kvaševič zaprašaje siabroŭ». U prahramie kłasičnyja, džazavyja i estradnyja kampazicyi.

31 kastryčnika — «Kłasik-Duet». U prahramie tvory P.Sarasate, A.V́jetana, Dž.Hieršvina, A.Cyhankova.

1 listapada — Astar Ṕjacoła «Žarści pa tanha».

3 listapada — vystupaje «Novy rasiejski kvartet» (Maskva). U prahramie tvory F.Šubierta i I.Bramsa.

4 listapada — kancert «U sadzie suśvietu» u vykanańni Nadziei Mikulič i Hryhoryja Pališčuka.

• 0
• 0
• 0
• 0
• 0
• 0
• 0
• 0