ZŠA vydzielili Ukrainie novy pakiet vajskovaj dapamohi: dajuć i snarady dalokaściu da 150 km
Złučanyja Štaty vyłučajuć dla Ukrainy novy pakiet vajskovaj dapamohi na 2,2 miljarda dalaraŭ. Pra heta zajaviŭ pradstaŭnik Pientahona bryhadny hienierał VPS ZŠA Patryk Rajder, pieradajuć infarmahienctvy.
Hienierał raskazaŭ pra ŭzbrajeńni, jakija ŭvojduć u hety pakiet: «Pakiet uklučaje ŭ siabie supraćtankavyja rakiety Javelin, artyleryjskija bojeprypasy, a taksama zvyčajnyja i dalnabojnyja rakiety dla HIMARS».
Sa słoŭ Rajdera stała viadoma, što Złučanyja Štaty dakładna majuć namier pieradać Ukrainie snarady GLSDB ź sistemaj samanaviadzieńnia.
«U ramkach prahramy USAI my damo Ukrainie GLSDB», — padkreśliŭ hienierał, adkazvajučy na pytańnie žurnalista.
Heta pieršaje aficyjnaje paćviardžeńnie, što ZŠA hatovyja ŭklučyć u dapamohu Ukrainie hety typ bojeprypasaŭ ź sistemaj samanaviadzieńnia na cel i dalokaściu da 150 km. Raniej usia infarmacyja ab mahčymaści pastaŭki USU takich bojeprypasaŭ pachodziła ź nieaficyjnych abo ananimnych krynic.
GLSDB spałučaje kryłatuju avijabombu małoha dyjamietra GBU-39 z razhonnym błokam ad reaktyŭnaha snarada M26, jakuju možna zapuskać z HIMARS/MLRS. Naviadzieńnie na cel — praz GPS i iniercyjnaje. Paśla zapusku bomba adździalajecca ad rakiety ŭ palocie, vypuskaje minikryły i ŭžo tak lacić da celi.
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary