Tysiačy hledačoŭ užo niekalki tydniaŭ hladziać biaskoncy sieryjał ad štučnaha intelektu
Ź siaredziny śniežnia na servisie Twitch idzie tranślacyja sitkama Nothing, Forever, zasnavanaha na kamiedyjnym sieryjale «Sajnfiełd» ź dzievianostych. U im niejrasietki pa chodzie dziejańnia pišuć scenaryj, adkazvajuć za režysuru i hienierujuć videa.
Sinopsis u šou vielmi prosty: čaćviora hałoŭnych hierojaŭ žyvuć u piksielnym Ńju-Jorku, traplajuć u niedarečnyja situacyi i sprabujuć razabracca sa svaim žyćciom. Asablivaść ža ŭ tym, što praktyčna ŭvieś prajekt stvorany niejrasietkami: ad scenaryja da ahučki.
Tak, dyjałohi piersanažam prapisvaje moŭnaja madel ad OpenAI (mienavita hetaja kampanija stvaryła ChatGPT, jaki zavirusiŭsia), a za vizualnuju častku adkazvajuć ałharytmy Stable Diffusion, DALL-E i inšyja. Pry hetym hledačy mohuć samastojna mianiać raspovied, uzajemadziejničajučy ź sitkamam praz čat na «Tvičy».
Stvaralniki Nothing, Forever z kampanii Mismatch Media prydumali «biessensoŭny i siurrealistyčny» prajekt jašče ŭ 2019 hodzie, adnak realizavać jaho ŭdałosia tolki niadaŭna, na chvali vybuchovaha raźvićcia niejrasietak. Pa słovach aŭtaraŭ, meta ŭ ich całkam vidavočnaja: pakazać hledačam nadychodziačuju budučyniu — ź viečnymi zabaŭlalnymi šoŭ.
Zrešty, na hetym ekśpierymientatary spyniacca nie źbirajucca. Užo paśla Nothing, Forever jany majuć namier padniać staŭki i ŭziacca za prajekt «na ŭzroŭni Netflix».
Čytajcie taksama:
Netflix paprasili dadać biełaruskija subcitry. Što jany adkazali?
Ajcišniki abjadnalisia ź pierakładčykami, kab raskazvać pra hulni, sieryjały i hadžety pa-biełarusku
Top sieryjałaŭ ad žurnalistaŭ «Našaj Nivy». Niekatoryja ź ich dakładna stanuć
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary