Abjadnanaja hramadzianskaja partyja paviedamiła pra raptoŭnuju śmierć svajho aktyvista, člena Minskaj haradskoj arhanizacyi AHP Viktara Kaleja. Jamu było 60 hadoŭ.
Pryčynaj śmierci Viktara Kaleja staŭ uskładnieny apiendycyt. Pa słovach siabroŭ, 3 dni jon chadziŭ u palikliniku, pakul pakłali ŭ balnicu. Učora narešcie zrabili apieracyju, ale razryŭ apiendyksa ŭžo adbyŭsia. A siońnia, nie prychodziačy da prytomnaści, jon pamior.
Takaja śmierć stała zusim niespadziavanaj dla jahonych siabroŭ i blizkich. Jak napisaŭ adzin ź siabroŭ, palityk i hramadski dziejač Siarhiej Vaźniak, «jašče ŭ minułuju piatnicu byli razam ź im u saŭnie, pili piva, budavali płany na budučyniu, žartavali…»
Viktar Kalej zajmaŭsia biznesam i byŭ viadomy jak aktyvist demakratyčnaha pradprymalnickaha ruchu. U nulavyja hady jon byŭ namieśnikam staršyni kampanii «Za svabodnaje pradprymalnictva».
Pachavańnie Viktara Kaleja pryznačana na subotu, bolš dakładnaja infarmacyja budzie paźniej.
Ciapier čytajuć
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary