Ajcišniki abjadnalisia ź pierakładčykami, kab raskazvać pra hulni, sieryjały i hadžety pa-biełarusku
Biełaruskija prychilniki hik-kultury stvarajuć biełaruskamoŭny kantent, kab pieramahčy rasijskich kankurentaŭ. Svoj prajekt jany nazvali «Pieršy Hikaŭski».
«Ruskamoŭnyja prajekty hik-kultury źviazanyja z rasijskimi ŭładami»
Hik-kultura abjadnoŭvaje fanataŭ komiksaŭ, kampjutarnych hulniaŭ, filmaŭ, sieryjałaŭ, navukovaj fantastyki, litaratury, nastolnych i rolevych hulniaŭ, a taksama hadžetaŭ.
Adzin z čalcoŭ supołki Alaksiej kaža, što raniej razam z kampańjonam zajmaŭsia prajektami na ruskaj movie. Adnak pa ŭvarvańni Rasii va Ukrainu jany zharnuli ich i pieraklučyli na ažyćciaŭleńnie biełaruskamoŭnych zadumaŭ. «Pieršy Hikaŭski» — adna z asnoŭnych inicyjatyŭ. Za jaje ŭzialisia z sakavika minułaha hoda.
«Ruskamoŭnyja prajekty hik-kultury źviazanyja ci z rasijskimi ŭładami (naprykład Mail.ru Group), ci z bujnymi rasijskimii resursami, jak «Jandeks» (jaki taksama źviazany z rasijskimi ŭładami), — davodzić Alaksiej.
— My namahajemsia adciahnuć biełaruskich amataraŭ hik-kultury z rasijskich resursaŭ. Naš prajekt demanstruje, što biełarusy na svajoj nacyjanalnaj movie zdolnyja stvaryć kankurentazdolny kantent. My chočam prasoŭvać hik-kulturu praź biełaruskuju movu».
«70 pracentaŭ biełarusaŭ spažyvajuć kantent rasijskaj placoŭki «Jandeks Muzyka»
Supołka abjadnoŭvaje specyjalistaŭ IT-haliny i pierakładčykaŭ, jakija žyvuć u roznych krainach, ale źjaŭlajucca rupliŭcami biełaruščyny. Kaściak kamandy składajuć 5 čałaviek.
Supołka maje telehram-kanał, sajt z padkastami, a taksama jutub-placoŭku, dzie vychodziać naviny hik-kultury. Jany źbirajucca na anhłamoŭnych resursach i pierakładajucca na biełaruskuju movu. Taksama padajucca kamientary hierojaŭ hetych navinaŭ.
«My pačynali z 40 prasłuchoŭvańniaŭ i mienš čym za hod dasiahnuli ličby 25 tysiač. Blizu 70 pracentaŭ našych słuchačoŭ žyvuć u Biełarusi. I heta asablivy naš honar», — adznačaje Alaksiej.
Pavodle jaho, 70 pracentaŭ biełarusaŭ spažyvajuć kantent z rasijskaj placoŭki «Jandeks Muzyka». Na joj zamacavaŭsia i «Pieršy Hikaŭski».
«Niahledziačy na našy pohlady, my musim zastavacca na joj, kab nie pazbaŭlać biełarusaŭ alternatyvy», — tłumačyć surazmoŭca.
Supołka nie raskazvaje pra rasijskija hulniavyja i technałahičnyja raspracoŭki, bo «heta praviła redakcyi».
Prajekt jaho inicyjatary stvarajuć na svaje hrošy. U raźvićcio jany ŭžo ŭkłali 3,5 tysiačy jeŭra. Na ich nabytaje abstalavańnie i apłačana arenda pamiaškańnia. U płanach — kupić ryštunak dla stvareńnia jutub-studyi, u jakoj budzie zapisvacca šou z nastolnymi hulniami.
«Atrymać hrant na niepalityčny prajekt duža składana, — dzielicca Alaksiej. — My hutaryli z pradstaŭnikami niekatorych fondaŭ, dzie nam skazali, što my nie pišam pra biełaruskich palitviaźniaŭ, pra vajnu va Ukrainie i pra stan biełaruskaj movy ŭ Biełarusi. Dla nas heta dziŭna, bo my papularyzujem biełaruskuju movu svaim prajektam. Danacim srodki palitviaźniam, padajom spasyłki na danaty Uzbrojenym siłam Ukrainy».
«Naša Niva» — bastyjon biełaruščyny
PADTRYMAĆJak zachavać u sabie ahoń čałaviečnaści? Čamu nas vučyć litaratura postapakalipsisu. Novaje VIDEA na kanale Andreja Chadanoviča
«My majem spravu z ruskim fašyzmam, a Biełaruś akupavanaja». Vialikaja hutarka z Aleksijevič
Siarhiej Budkin: Ciapier u kultury čas cichich spraŭ, i jaho treba pravieści z karyściu
Učora Minsk znoŭ zatapiła. Čamu stalica nie hatovaja da daždžoŭ?4
Kamientary