U Google Maps možna schavać častki vašaha doma, jakija vy nie chočacie, kab bačyli čužyja — voś jak heta zrabić
Google Maps zrabili revalucyju ŭ mahčymaściach čałavieka, ale pry hetym niasuć i niekatoryja ryzyki.
Niahledziačy na toje, što prahrama moža być karysnaj dla taho, kab daviedacca, jak vyhladaje toj ci inšy budynak abo miesca, jana moža raskryć niekatoryja danyja pra vaš dom, jakija vy, mahčyma, zachočacie pakinuć u tajamnicy.
U niekatorych vypadkach «tajemnyja prychilniki», pieraśledniki, albo złačyncy mohuć vykarystoŭvać funkcyju Street View na Google Maps dla pošuku ślapych zon, kamier ci nieprahladnych voknaŭ, kab spłanavać svoj šlach unutr vašaha doma.
Funkcyja Street View davoli prostaja, i jana dazvalaje lubomu karystalniku ŭbačyć vulicu ŭ ličbavym vyhladzie, jak kali b vy znachodzilisia na joj fizična.
Adnak isnuje chitraść, jak zrabić tak, kab vaš dom nie byŭ bačny ŭ Street View:
- Dla hetaha zajdzicie na sajt Google Maps na svaim kampjutary i ŭviadzicie adras svajho doma ŭ radok pošuku ŭ pravym vierchnim kucie staronki.
- Naciśnicie na fatahrafiju vašaha doma, kali jana źjavicca, i naciśnicie «paviedamić ab prablemie» ŭ pravym nižnim kucie.
- Zatym vy možacie vykarystoŭvać myš, kab abrać, jakija častki vašaj majomaści vy chočacie schavać ad internetu.
- Vas paprosiać trochi padrabiaźniej paznačyć, što mienavita vy chočacie zrabić razmytym, na vypadak, kali malunak zaniaty aŭtamabilami, ludźmi i inšymi abjektami. Taksama vas paprosiać pakinuć svoj elektronny adras.
Adnak papiaredžvajem: jak tolki vy niešta razmyjecie ŭ režymie prahladu vulic, jano zastaniecca razmytym nazaŭždy.
Čytajcie jašče:
My adšukali ŭ Telegram funkcyju, jakaja moža być niebiaśpiečnaj dla biełarusaŭ. Voś jak zaścierahčy siabie i jak zrabić jaje karysnaj
Google Docs dadaje mažlivaść prahladu niedrukavanych simvałaŭ — funkcyju, jakaja pavinna była ŭžo daŭno isnavać
Ciapier Google Voice budzie papiaredžvać vas pra mahčymyja spam-zvanki
Ciapier čytajuć
Što aznačaje rasśledavańnie Mižnarodnaha kryminalnaha suda dla Łukašenki i biełarusaŭ? Tłumačyć Kaciaryna Dziajkała13
Kamientary