Ministarka zamiežnych spraŭ Hiermanii Analena Bierbak prybyła va ŭkrainski Charkaŭ ź vizitam, jaki nie anansavaŭsia.
Kiraŭnica niamieckaha źniešniepalityčnaha viedamstva zajaviła pra novyja pastaŭki ŭzbrajeńnia Ukrainie i inšych mierach jaje padtrymki.
«Va ŭsich kutkach Ukrainy, ad Charkava da Chiersona i Kijeva, ludzi pavinny viedać, što jany mohuć raźličvać na našu salidarnaść i padtrymku. Jana ŭklučaje dalejšyja pastaŭki zbroi, nieabchodnaj dla vyzvaleńnia svaich suhramadzian, jakija ŭsio jašče pakutujuć ad rasijskaj akupacyi», — zajaviła Bierbak.
Niamieckaj ministarcy pakazali razburanyja abjekty žyłoj infrastruktury Charkava, jaki znachodzicca niedaloka ad frontu i dahetul čas ad času padviarhajecca abstrełam. Bierbak padkreśliła:
«Hety horad — simvał absalutnaha varjactva rasijskaj ahresiŭnaj vajny va Ukrainie i biaskoncych pakut, ź jakimi ludzi sutykajucca štodnia. Hety horad taksama simvał nievierahodnaj stojkaści i mužnaści ŭkraincaŭ».
Kamientary