Praviercie, ci zmahli b vy pastupić u Masačusiecki technałahičny instytut u 1876 hodzie
Zadača była prapanavana abituryjentam Masačusieckaha technałahičnaha instytuta na ŭstupnym ekzamienie 1876 hoda. Dla tych, chto ličyć praktykavańni dla mozhu nie mienš važnymi za fizičnyja ŭ razhar zimovych śviataŭ, my prapanujem pasprabavać rašyć jaje.
Popular Mechanics publikuje pytańnie ź ispytu pa ałhiebry 1876 hoda, jaki zdavaŭsia abituryjentami Masačusieckaha technałahičnaha instytuta.
Zadača
Baćka skazaŭ svajmu synu: «Dva hady tamu ja byŭ u try razy starejšy za ciabie, ale praz čatyrnaccać hadoŭ ja budu tolki ŭdvaja starejšy za ciabie». Jaki ŭzrost kožnaha?
Padkazka
Jana vam nie patrebnaja, kali vy nie prapuskali ałhiebru ŭ škole.
Rašeńnie pa tradycyi znojdziecie pad fota.
Rašeńnie
Rašeńnie adnosna prostaje i pradstaŭlena ŭraŭnieńniem ź dźviuma pieramiennymi.
Voźmiem «f» za ŭzrost baćki, a «s» — za ŭzrost syna.
Dva hady tamu (f-2) baćka byŭ u try razy starejšy za syna: 3*(s-2).
Takim čynam, atrymlivajem pieršaje ŭraŭnieńnie: f-2 = 3 (s-2).
Ciapier druhaja častka: praz 14 hadoŭ baćka budzie ŭdvaja starejšy za svajho syna. Ich uzrost na toj momant moža być pradstaŭleny ŭraŭnieńniem f+14 = 2*(s+14).
Ciapier u nas jość sistema z dvuch uraŭnieńniaŭ i dźviuch pieramiennych, jakuju lohka možna rašyć paśla prostaha raźmierkavańnia.
Kali zusim ciažka — možna pahladzieć karotkaje videa z rašeńniem hetaj sistemy ŭraŭnieńniaŭ.
Paśla niepraciahłych vyličeńniaŭ atrymlivajem, što ŭzrost syna składaje 18 hadoŭ, a ŭzrost baćki — 50.
Vinšujem, ciapier vy student MTI, ale, na žal, tolki ŭ 1876-m.
Ciapier čytajuć
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach5
Babaryka raskazaŭ, jak chadziŭ u KDB znajomicca sa spravaj svajho represavanaha dzieda, jaki moh być rasstralany ŭ Kurapatach
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1616
Kamientary