Doraha-bahata. Kolki kaštujuć dalikatesy na navahodni stoł u Valarjanava
Adznačyć Novy hod dušeŭna možna, viadoma, i pa samym biudžetnym varyjancie. Kolki ž kaštujuć pradukty na ekarynku, jakija nie kožny dzień pastaviš na stoł, daviedałasia «Minskaja praŭda».
Ryba
Jaki ž navahodni stoł biez rybnych praduktaŭ? Ikra, siomha, asiatryna, navat łobstary žyvyja jość u najaŭnaści.
Praŭda, cana na łobstara kaśmičnaja — amal 200 rubloŭ za kiło. Adzin ekzemplar važyć prykładna 850—900 hramaŭ. Zavoziać ich na rynak kožny tydzień. Za hety čas sychodziać amal usie.
— Pryhatavać ich vielmi prosta. Varacca łobstary, jak i raki, u padsolenaj vadzie sa śpiecyjami, — kaža pradaviec Daniła Mielnikaŭ. — Naša achałodžanaja ryba — honar handlovaha miesca. U asnoŭnym usie pastaŭki iduć z Hałandyi, i ciapier samaje chadavoje — heta čyrvonaja ryba z faražskich vadajomaŭ. Pradajom jaje pa canie 39,9 za kiło. Pakolki adna važyć 5—6 kiłahram, to pakupniki achvotna karystajucca pasłuhaj pa biaspłatnym razbory.
Popyt na hetych hihantaŭ jość, ludzi raz-poraz cikaviacca.
— Ryba najsmačniejšaja, zasalić jaje prosta, vykarystaŭšy bujnuju marskuju sol. Ničoha nie treba dadatkova, bo naša zadača — padkreślić jaje smak, — kaža Daniła. — Nie sapsuje rybku cedra limona, a voś sa śpiecyjami lepš nie ekśpierymientavać.
Ikra, čyrvonaja ryba haračaha i chałodnaha vendžańnia, krevietki, ale, mabyć, samym ekzatyčnym praduktam nazvali (tak-tak) sieladziec.
— Heta hałandski sieladziec «maćje» — dalikatnaja ryba 20-pracentnaj tłustaści. Jaje smak nikoha nie pakinie abyjakavym, i jana vydatna padydzie dla navahodniaha stała. Cana — 5 rubloŭ 90 kapiejek za 100 hram, — kaža pradaviec.
Biełaruski adkaz
Handlujuć u Valarjanava i biełaruskaj rybaj. Tavar z našych vadajomaŭ prapanuje fiermierskaja haspadarka ź Ivanava Bresckaj vobłaści. Jość u ich svaje vadajomy, dzie raście karp, taŭstałobik, ale dla asartymientu fiermiery biaruć rybu i inšych haspadarak.
— U nas zadekłaravana kala 300 vidaŭ pradukcyi, — raspaviała haspadynia handlovaha miesca. — Samy darahi tavar — heta vuhor. Cana za adzin kiłahram składaje 130 rubloŭ. Ale heta daloka nie miaža. Naprykład, nam prapanoŭvali čornuju ikru, jakuju pastavili b na realizacyju pa 200 rubloŭ za słoičak. Ale my admovilisia, addaŭšy pieravahu čyrvonaj. Jana bolš papularnaja i dobra pradajecca. Ikra nierpy pa 35 rubloŭ za 100 h, harbušy — 37 rubloŭ, kiety — 39 rubloŭ za taki ž abjom.
Pradaviec raić brać skumbryju chałodnaha vendžańnia ŭ ich vykanańni za 25 rubloŭ, siomhu pa 85 i farel pa 75 rubloŭ za kiło. Jość bolš biudžetnyja somiki pa 35 rubloŭ.
Kupiŭ — i na hryl
Jakoje ž raskošnaje śviata biez dobraha miasa? Stejki, rabrynki na hryli, a moža indyčka całkam, nu ci, na krajni vypadak, kačka z apielsinami? Usio jość.
— My da navahodniaha stała prapanujem roznyja vidy miasa — ad maładoj jałavičyny i baraniny da ptuški, — raspaviadaje pradaviec Jaŭhien. — Usio viaskovaje — sa Ščučynskaha rajona, Smalavickaha, byvaje z Ašmianskaha. Husiej, indyčak, kurej vozim na zamovu. Bolš za toje, pa žadańni klijenta možam usiu hetuju spravu zamarynavać. Uziaŭ hatovaje, adpraviŭ u duchoŭku, praz paŭtary-dźvie hadziny atrymaŭ smačnuju stravu.
Kačka, davoli papularnaja da śviat, paciahnie na 25 rubloŭ za kiłahram, huś na piaciorku daražejšaja. Uličvajučy, što hetaja ptuška važkaja, to abydziecca jana ŭ niemałyja hrošy. Huś, naprykład, startuje z čatyroch kiłahramaŭ, tamu tuška abydziecca ŭ 120 rubloŭ prykładna.
— Prapanujem pryhatavać kačku ŭ apielsinava-limonnym sousie, — padtrymlivaje razmovu pamočnica Jaŭhiena Karalina. — Dla padliŭki treba źmiašać alej ź miksam apielsinavaj i limonnaj miazhi, dadać imbir, pierac, časnok, sol. Zmazać hetym kačku i pakinuć na sutki pierad zapiakańniem. Lepš za ŭsio hatavać u rukavie.
A voś u aliŭje haspadynia raić pakłaści file indyčki pa 28 rubloŭ za kiło.
— Chto lubić baraninu, tamu taksama da nas, — kaža Jaŭhien. — Ceny ad 18 da 36 rubloŭ. Jałavičyna na stejki maksimalna dachodzić da 57 rubloŭ.
Kaŭbasy
A vy viedajecie, što siarod asartymientu biełaruskich kaŭbasnych vyrabaŭ jość navat kaŭbasa ŭ ćvili? Hieahrafija pastavak — ad Dziaržynska da Motala Bresckaj vobłaści. Ceny startujuć ad 25 rubloŭ.
Voś, naprykład, firmovaja kaŭbaska ź jałavičyny abydziecca ŭ 39 rubloŭ za kiło. A dalikatesnaja kurynaja ŭ vysakarodnaj ćvili kaštuje 9 rubloŭ za 180 h, ci prykładna 45 rubloŭ za kiłahram.
Nie chočacca kurynaj ci śvinoj? Žadajecie dadać u narezku alenievaj kaŭbaski? Tady prykładna 85 rubloŭ za kiło, vialenaje miasa — 140.
— Jość vyrazka niekalkich vidaŭ da 65 rubloŭ za kiło. Jana samaja prostaja ŭ padrychtoŭcy, i jaje ja raiŭ by brać dla zapiakańnia. A taksama kaŭbasy, paštety i čypsy. Apošnija samyja darahija — 185 rubloŭ za kiłahram, — havoryć haspadar kramy Andrej z palaŭničaj haspadarki «Bieły bor», što ŭ Słuckim rajonie.
Syry
Syroŭ na ekarynku — vočy raźbiahajucca. Kali nie viedaješ, za čym pryjšoŭ, to paprostu zabłytaješsia ŭ nazvach i hatunkach. Ale fiermiery i pradaŭcy zaŭsiody daduć kampietentnuju daviedku. Takuju nam dała Dzijana z Navahrudskaha rajona.
— My pracujem nad vytvorčaściu svajoj małočki ŭsioj siamjoj. Pradajom śmiatanu, masła i raznastajnyja syry — ad samych prostych da syroŭ ź ćvillu. Hatunki typu «kamambier» i «rakfor» — adny z samych darahich i dasiahajuć 110 rubloŭ za kiłahram. Paśpiavajuć jany prykładna miesiac, a to i dva. Jość biełpierknole z časnakom i himałajskaj sollu, zakatanyja ŭ roznyja vidy śpiecyj. Jość tradycyjny kiprski syr dla smažańnia. Jon vydatna padydzie dla amataraŭ hrylu.
Zielanina z-pad Dziaržynska
A voś zielanina — ad cybulnych strełak da sałatnych miksaŭ sa svajoj ułasnaj ciaplicy, jakuju abahravajuć drovami, na rynak pastaŭlaje Iryna Dziamienćjeva ź Dziaržynskaha rajona.
— U nas 11 najmieńniaŭ pradukcyi na siońniašni dzień, — kaža haspadynia. — Usio sa svajho aharoda, ekałahična čystaje. Niešta ŭ salonym vyhladzie, niešta ŭ śviežym. Jak bačycie, da siezona padrychtavali kvašanuju kapustu, jakuju realizujem pa 8 rubloŭ za kiłahram.
Da kapusty — svaja adbornaja bulbačka pa 2 rubli. Nu i zielanina, jakaja karystajecca vialikim popytam. Realizujem jaje pa 2 rubli za 100 hram.
«Pach dziacinstva»
Mabyć, bolš za ŭsio ekzotyki pradstaŭlena ŭ adździełach z sadavinoj. Ekśpiertam vystupaje haspadynia handlovaha miesca Natalla:
— Naŭprost da Novaha hoda pryvieźli mini-mandarynki, jakija ja zavu «smak dziacinstva» z-za ich kisła-sałodkaj noty. Heta sapraŭdnaje ŭpryhožańnie z Abchazii dla stała i dekor dla padarunkaŭ. Pradajom takuju radaść pa 14,9 rubloŭ za kiłahram. Da ich možna ŭziać i maleńkija ananasiki z PAR. Pa smaku jany ničym nie adroźnivajucca ad bujniejšych.
Jość u asartymiencie bujaki ź Pieru pa 35 rubloŭ za kiło, pitachajia z Tajłanda pa 65 rubloŭ, hranadziła pa 85 rubloŭ. Abiacajuć padvieźci i śviežyja kłubnicy z Hrecyi ad 35 rubloŭ za kiłahram.
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij22
Kamientary