Adpaviedny ŭkaz numar 499 «Ab niekatorych mierach pa ŭdaskanaleni antymanapolnaha rehulavańnia i raźvićciu kankurencyi» Alaksandr Łukašenka padpisaŭ 13 kastryčnika.
U dakumiencie praviedziena raźmiežavańnie funkcyj antymanapolnaha orhana: na tavarnych rynkach respubliki hetyja funkcyi vykonvaje Ministerstva ekanomiki, a na tavarnych rynkach abłaściej (h.Minska) — strukturnyja padraździaleńni abłasnych (Minskaha haradskoha) vykanaŭčych kamitetaŭ.
Pašyrany pravy antymanapolnaha orhana pa spynieńniu dziejańniaŭ, u tym liku pa admienie nie adpaviednych zakanadaŭstvu pravavych aktaŭ, pryniatych dziaržaŭnymi orhanami, abjadnańniami jurydyčnych asob, vynikam jakich moža źjaŭlacca abmiežavańnie kankurencyi.
Antymanapolnamu orhanu taksama pradastaŭlena prava zaklučać pahadnieńni ź jurydyčnymi asobami, što zajmajuć daminujučaje stanovišča na tavarnych rynkach, u jakich vyznačajucca ŭmovy ich kankurentnych pavodzin, a taksama miežy źmianieńnia cen (taryfaŭ) na tavary (raboty, pasłuhi). Pry hetym takaja jurydyčnaja asoba vyklučajecca ź Dziaržaŭnaha rejestra subjektaŭ haspadarańnia, jakija zajmajuć daminujučaje stanovišča na tavarnych rynkach.
Antymanapolny orhan nadzialajecca pravam zvarotu ź iskavymi zajavami ŭ sudy ab pryznańni niesapraŭdnymi dahavoraŭ, jakija zaklučany ŭ metach parušeńnia antymanapolnaha zakanadaŭstva, pryčyniajuć škodu pravam i zakonnym intaresam inšych jurydyčnych asob abo hramadzian i pryvodziać da abmiežavańnia kankurencyi.
Ukaz ustupaje ŭ siłu praz try miesiacy paśla jaho aficyjnaha apublikavańnia.
Ciapier čytajuć
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym7
Vyzvaleny palitviazień Mikita Jemialjanaŭ, jakoha aryštavali jašče ŭ 2019 hodzie, 19‑hadovym
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary