Realnyja najaŭnyja dachody biełarusaŭ za studzień — kastryčnik skaracilisia na 3,9% da anałahičnaha pieryjadu minułaha hoda. Takuju statystyku padaje Biełstat.
Miesiacam raniej padzieńnie było na ŭzroŭni 3,8% da takoha ž pieryjadu minułaha hoda, za studzień — žnivień źmianšeńnie składała 3,6%.
Realnyja najaŭnyja hrašovyja dachody — heta hrašovyja dachody z vyličeńniem padatkaŭ, zboraŭ i uznosaŭ, skarektavanyja da ŭzroŭniu inflacyi. Jany źjaŭlajucca adnym z hałoŭnych ekanamičnych pakazčykaŭ dabrabytu ludziej.
Asnovu dachodaŭ składaje apłata pracy — jana zajmaje 64,7% u ahulnym abjomie. Na dachody ad pradprymalnickaj i inšaj dziejnaści, jakaja prynosić dachod, prypadaje 8,2%, dola tranśfiertaŭ nasielnictvu (piensii, dapamohi, stypiendyi i inšyja tranśfierty nasielnictvu) — 22,2%, dachodaŭ ad ułasnaści i inšych — 4,9%.
Realnyja najaŭnyja dachody biełarusaŭ padajuć na fonie zapavolenaj inflacyi, adznačaje Office Life. U listapadzie ceny navat źnizilisia na 1,1%. Adnak u paraŭnańni sa śniežniem 2021 hoda spažyvieckaja inflacyja dasiahnuła 12,4%.
Ciapier čytajuć
Šalona papularnaja minskaja błohierka patraciła na śviatkavańnie dnia naradžeńnia amal $16 tysiač34
Kamientary