Dziaržava dla naroda: u Francyi preziervatyvy zrobiać biaspłatnymi dla moładzi ad 18 da 25
Jak abviaściŭ francuzski prezident Emaniuel Makron, u aptekach krainy pačnuć biaspłatna razdavać preziervatyvy dla moładzi 18—25 hadoŭ. Makron ličyć, što heta dapamoža ŭ zmahańni ź infiekcyjami, što pieradajucca pałavym šlacham.
Makron nazvaŭ hety krok «małoj revalucyjaj». Jon taksama adznačyŭ, što dla padletkaŭ mohuć stać abaviazkovymi pryščepki suprać papiłomavirusa čałavieka, bo heta mahło b dapamahčy źnizić kolkaść zachvorvańniaŭ na rak, asabliva na rak šyjki matki. Francuzski prezident vystupaje i za pavyšeńnie infarmavańnia moładzi pra hetuju prablemu, paviedamlajuć francuzskija ŚMI.
Mahčyma, francuzy majuć reputacyju seksualna daśviedčanaj nacyi, ale, pavodle orhanaŭ achovy zdaroŭja, francuzskaja moładź drenna razumieje, jak abaranić siabie ad chvarob padčas seksu. Kolkaść infiekcyj, što pieradajucca pałavym šlacham, z 2000 hoda niaŭchilna raście, a za čas z 2017 pa 2019 hady heta ličba ŭvohule patroiłasia. Bolšaść daktaroŭ ličyć, što ŭ 2020 hodzie trend padoŭžyŭsia, ale dakładna skazać ciažka, bo padčas pandemii kolkaść ahladaŭ u vienierołaha źniziłasia na 30%.
Da siońnia francuzy 18—25 hadoŭ mahli atrymać preziervatyvy biaspłatna tolki tady, kali jany majuć recept ad doktara, a małodšyja za 18 hadoŭ padletki mahli atrymać ich biaspłatna ŭ škołach i asacyjacyjach płanavańnia siamji. Kali ŭ padletka, jakomu nie mienš za 15 hadoŭ, jość recept na preziervatyvy, dziaržava kampiensuje jamu 60% cany nabytaha ŭ aptecy preziervatyva.
Francuzski prezident taksama ličyć, što ŭ krainie treba palepšyć prahramy pa seksualnaj adukacyi, kab spynić rost chvarob, što pieradajucca pałavym šlacham: «Realnaść znachodzicca daloka ad teoryi. Nam nieabchodna značna lepš rychtavać našych vykładčykaŭ pa hetaj temie».
Čytajcie taksama:
Mały biełaruska-biełaruski słoŭnik seksualnych paniaćciaŭ
Śviečki jak kantracepcyja — piać pytańniaŭ i adkazaŭ
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary